പിറവം പള്ളി തര്ക്കം; സര്ക്കാറിന് ഹൈക്കോടതിയുടെ രൂക്ഷ വിമര്ശനം
|പിറവം പള്ളിത്തര്ക്കവുമായി ബന്ധപ്പെട്ട കേസില് സര്ക്കാറിന് ഹൈക്കോടതിയുടെ രൂക്ഷ വിമര്ശനം. സുപ്രീം കോടതി ഉത്തരവ് നടപ്പിലാക്കുന്നതില് സര്ക്കാറിന് ഇരട്ടത്താപ്പെന്ന് ഹൈക്കോടതി വിമര്ശിച്ചു.
ശബരിമലയില് ആയിരക്കണക്കിന് പോലീസുകാരെ വിന്യസിക്കുന്ന സര്ക്കാര് പിറവത്ത് 200 പേര്ക്ക് പള്ളിയില് കയറി പ്രാര്ഥിക്കുന്നതിന് സംരക്ഷണം നല്കാത്തത് എന്തുകൊണ്ടാണ്. ഈ ഇരട്ടത്താപ്പ് സാധാരണക്കാര്ക്ക് ദഹിക്കുന്നതല്ല. ഓര്ത്തഡോക്സ് വിഭാഗത്തിന് അനുകൂലമായ വിധി നടപ്പാക്കാന് ശ്രമിക്കാതെ എന്തിന് അനുരജ്ഞന ശ്രമം നടത്തുന്നു. നിങ്ങളുടെ അജണ്ട നടപ്പാക്കാന് കോടതിയെ കൂട്ടുപിടിക്കാന് കഴിയില്ലെന്നും ഹൈക്കോടതി അഡ്വക്കേറ്റ് ജനറലിനോട് പറഞ്ഞു.
പിറവം പള്ളിക്കേസില് സുപ്രീം കോടതിയില്നിന്ന് അനുകൂല വിധി ഉണ്ടായെങ്കിലും നടപ്പാക്കി കിട്ടുന്നില്ലെന്ന് ചൂണ്ടിക്കാട്ടി ഓര്ത്തഡോക്സ് സഭാംഗങ്ങളാണ് ഹൈക്കോടതിയെ സമീപിച്ചത്. അനുരഞ്ജന ചര്ച്ച നടത്തുകയല്ല കോടതിവിധി നടപ്പാക്കാന് ശ്രമിക്കുകയാണ് സര്ക്കാര് ചെയ്യേണ്ടതെന്ന് കോടതി ചൂണ്ടിക്കാട്ടി.