മതിൽ ഇടിഞ്ഞ് വീണ് ഒന്നര വയസുകാരന് ദാരുണാന്ത്യം

പാലക്കാട്: മുതലമടയിൽ മതിൽ ഇടിഞ്ഞ് വീണ് ഒന്നര വയസുകാരൻ മരിച്ചു. പോത്തമ്പാടം കാടംകുറിശ്ശിയിൽ വിൽസൺ, ഗീത ദമ്പതികളുടെ മകൻ വേദവാണ് മരിച്ചത്.

മുത്തശനൊപ്പം വീടിനു സമീപത്തെ റോഡിലൂടെ നടക്കുന്നതിനിടെ മതിലിടിഞ്ഞ് കുട്ടിയുടെ ശരീരത്തിലേക്ക് വീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.