മുത്തങ്ങയില്‍ ഓടിക്കൊണ്ടിരുന്ന കാറിന് മുകളിലേക്ക് പുള്ളിമാന്‍ ചാടി; യാത്രക്കാര്‍ക്ക് പരിക്ക്

വയനാട്: മുത്തങ്ങയിൽ ഒടിക്കൊണ്ടിരുന്ന കാറിന് മുകളിലേക്ക് പുള്ളിമാൻ ചാടി അപകടം. സംഭവത്തിൽ കാർ യാത്രക്കാർക്ക് പരിക്കേറ്റു. സാരമായി പരിക്കേറ്റ മാൻ അപകടസ്ഥലത്ത് വെച്ചുതന്നെ ചത്തു. ഇന്ന് ഉച്ചക്ക് ഒന്നരയോടുകൂടിയാണ് സംഭവം.

Also Read:തിരുവനന്തപുരത്ത് നിർത്തിയിട്ടിരുന്ന കാറിന്‍റെ ബോണറ്റില്‍ കൂറ്റന്‍ രാജവെമ്പാല

കോഴിക്കോട് - മൈസൂർ ദേശീയപാതയിൽ മുത്തങ്ങ ആർ.ടി.ഒ ചെക്ക്‌പോസ്റ്റിന് തൊട്ടടുത്ത് വെച്ചായിരുന്നു അപകടമുണ്ടായത്. കർണാടക സ്വദേശികളാണ് കാറിലുണ്ടായിരുന്നത്. ഇവർ മൈസൂരുവിൽ നിന്നും വരികയായിരുന്നു. കാറിന്റെ മുൻഭാഗത്തെ ചില്ലിന് മുകളിലേക്കാണ് പുള്ളിമാൻ ചാടിയത്.

Also Read:'50 ലക്ഷം കോടിയുടെ ബജറ്റ് പാസാക്കിയത് 12 മിനിട്ട് കൊണ്ട്, സംസാരം മാത്രമേയുള്ളൂ, പ്രവൃത്തിയില്ല'; മോദി സർക്കാറിന്റെ ജനാധിപത്യത്തെ കുറിച്ച് ഖാർഗെ

തുടർന്ന് ചില്ലും റൂഫ് ടോപ്പിന്റെ ഒരു ഭാഗവും തകർന്നു. അപകടത്തിൽപ്പെട്ട യാത്രക്കാരെ ആശുപത്രിയിലേക്ക് മാറ്റി. ഇവരുടെ പരിക്ക് സാമരമുള്ളതല്ലെന്നാണ് ആശുപത്രി വൃത്തങ്ങൾ നൽകുന്ന വിവരം.

Also Read:മധുകേസിൽ തുടക്കത്തിൽ സർക്കാറിന് സംഭവിച്ചത് വലിയ വീഴ്ച: നാല് തവണ സ്‌പെഷ്യൽ പ്രോസിക്യൂട്ടർമാരെ മാറ്റി