നടിയെ ആക്രമിച്ച കേസ്; ദിലീപിന് നോട്ടീസയക്കാൻ ഹൈക്കോടതി നിർദേശം

കൊച്ചി: നടിയെ ആക്രമിച്ച കേസിൽ ദിലീപിന്റെ ജാമ്യം റദ്ദാക്കാൻ പ്രോസിക്യൂഷൻ നൽകിയ ഹരജിയിൽ നോട്ടീസയക്കാൻ നിർദേശം. അഭിഭാഷകൻ മുഖേന ദിലീപിന് നോട്ടീസ് നൽകാനാണ് ഹൈക്കോടതി നിർദേശം.

നേരെത്തെ നൽകിയ നോട്ടീസ് ദിലീപ് കൈപ്പറ്റാതെ തിരിച്ചെത്തിയിരുന്നു. ഈ സാഹചര്യത്തിലാണ് അഭിഭാഷകൻ മുഖേന നോട്ടീസ് അയക്കാൻ നിർദേശിച്ചത്.സാക്ഷികളെ സ്വാധീനിക്കൽ, തെളിവ് നശിപ്പിക്കൽ എന്നിവ അടക്കം ചൂണ്ടിക്കാട്ടിയാണ് പ്രോസിക്യൂഷൻ ജാമ്യം റദ്ദാക്കണമെന്ന് ആവശ്യപ്പെട്ടത്. ഇത് വിചാരണ കോടതി തള്ളിയതോടെയാണ് പ്രോസിക്യൂഷൻ ഹൈക്കോടതിയെ സമീപിച്ചത്.ജസ്റ്റിസ് കൗസർ എടപ്പ​ഗത്തിന്റെ ബെഞ്ച് ആണ് അപ്പീൽ പരിഗണിച്ചത്. ഹരജി ഒരാഴ്ച കഴിഞ്ഞ് പരിഗണിക്കാൻ മാറ്റി.