കാമുകനുമായി സംസാരിച്ച ശേഷം പെൺകുട്ടി തൂങ്ങി മരിച്ചു

കൊല്ലം പട്ടാഴിയിൽ പതിനേഴുകാരി ആത്മഹത്യ ചെയ്തു. കാമുകനുമായി ഫോണിൽ സംസാരിച്ചതിന് പിന്നാലെ വീടിനുളളിൽ തൂങ്ങുകയായിരുന്നു. പെൺകുട്ടിയുടെ ഫോൺ പോലീസ് കസ്റ്റഡിയിൽ എടുത്തു.പട്ടാഴി സ്വദേശി അജി- ലതിക ദമ്പതികളുടെ മകൾ അഞ്ജലിയാണ് ആത്മഹത്യ ചെയ്തത്.

കലയപുരം സ്വദേശിയായ യുവാവുമായി പെൺകുട്ടി പ്രണയത്തിലായിരുന്നു. വീട്ടുകാർ ഈ ബന്ധം അംഗീകരിച്ചിരുന്നു. ഇന്നലെ രാവിലെ യുവാവുമായി ഒരു മണിക്കൂറിലധികം ഫോണിൽ സംസാരിച്ചതിന് പിന്നാലെ കതകടച്ച് ഷാൾ കഴുത്തിൽ കെട്ടി തൂങ്ങുകയായിരുന്നു. ശബ്ദം കേട്ട് സഹോദരൻ ആദിത്യൻ ഓടിവന്ന് ഷാൾ അറുത്തിട്ട് അയൽവാസികളുടെ സഹായത്തോടെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവം നടക്കുമ്പോൾ മാതാവ് ജോലിക്ക് പോയതായിരുന്നു. പിതാവ് അജി നേരത്തെ മരണപ്പെട്ടിരുന്നു.

പെൺകുട്ടിയുടെ മൃതദേഹം പോസ്റ്റ്‌മോർട്ടത്തിനായി പാരിപ്പളളി മെഡിക്കൽ കോളേജിലേക്ക് കൊണ്ടുപോയി. കൂടുതൽ അന്വേഷണങ്ങൾക്കായി യുവാവിനെ കസ്റ്റഡിയിലെടുക്കുമെന്ന് പൊലീസ് അറിയിച്ചു.