ആലുവയിൽ അനുജന്റെ കുത്തേറ്റ് ചികിത്സയിലായിരുന്ന ജ്യേഷ്ഠൻ മരിച്ചു

ആലുവ: എറണാകുളം ആലുവയിൽ അനുജന്റെ കുത്തേറ്റ് ചികിത്സയിലായിരുന്ന ജ്യേഷ്ഠൻ മരിച്ചു. ആലുവ സ്വദേശി ഡെന്നി (40) ആണ് മരിച്ചത്. ഈ മാസം 12 നാണ് അനുജനായ ഡാനി ഡെന്നിയെ കുത്തിയത്.

മാതാവിൽ നിന്ന് ലഭിച്ച കുടുംബ വീട് വിറ്റതിനെച്ചൊല്ലിയുള്ള തർക്കമാണ് കൊലപാതകത്തിൽ കലാശിച്ചത്. ഗുരുതരമായി പരിക്കേറ്റ ഡെന്നി കളമശേരി മെഡിക്കൽ കോളജിൽ ചികിത്സയിലായിരുന്നു. അനുജൻ ഡാനിയെ പൊലീസ് കസ്റ്റഡിയിലെടുത്തിട്ടുണ്ട്.