കോവിഡ് കുറയുന്നില്ല; കേരളത്തിൽ കേന്ദ്ര സംഘം സന്ദർശനം നടത്തും

കോവിഡ് വ്യാപനം രൂക്ഷമായ കേരളത്തിൽ കേന്ദ്ര സംഘം സന്ദർശനം നടത്തും. രോഗ വ്യാപനം, ടെസ്റ്റ്‌ പോസിറ്റീവിറ്റി നിരക്ക് കുറയാത്തതിന്‍റെ കാരണങ്ങൾ എന്നിവ സംഘം പരിശോധിക്കും. കേരളത്തിന് പുറമെ അരുണാചൽ, ത്രിപുര, ഛത്തീസ്ഗഡ്, ഒഡീഷ, മണിപ്പൂർ എന്നീ സംസ്ഥാനങ്ങളും കേന്ദ്ര സംഘം സന്ദർശി‌ക്കുന്നുണ്ട്.

രാജ്യത്ത് കോവിഡ് വ്യാപനം തുടരുകയാണ്. കഴിഞ്ഞ 24 മണിക്കൂറിനിടെ 46,617 പുതിയ കേസുകളും 853 മരണവും റിപ്പോർട്ട് ചെയ്തു. മരണ. സഖ്യ നാല് ലക്ഷം കടന്നു. ആകെ കോവിഡ് മരണം 4,00,312 ആയി.

അതേസമയം പ്രതിരോധ മരുന്നിന്‍റെ പേരിൽ ഉള്ള രാഷ്ട്രീയം കോൺഗ്രസ് മുൻ അധ്യക്ഷൻ രാഹുൽ ഗാന്ധി നിർത്തണമെന്ന് കേന്ദ്ര റയിൽവേ മന്ത്രി പിയൂഷ് ഗോയൽ ആവശ്യപ്പെട്ടു. കോവിഡിനെതിര വലിയ പോരാട്ടം നടക്കുമ്പോൾ വിലകുറഞ്ഞ രാഷ്ട്രീയ നീക്കങ്ങൾ നടത്തുകയാണ് രാഹുൽ എന്ന് ഗോയൽ ആരോപിച്ചു.