'ഉപ്പുപ്പാക്ക് ഒരാനയുണ്ടായിരുന്നു, അതുകൊണ്ട് കാര്യമില്ല'; കോൺ​ഗ്രസ് ഇപ്പോഴും ഭൂതകാല പ്രതാപത്തിൽ ജീവിക്കുന്നെന്ന് ബിനോയ് വിശ്വം

ഛണ്ഡീ​ഗഢ്: കോൺഗ്രസിനെതിരെ സി‌പിഐ ജനറൽ സെക്രട്ടറി ബിനോയ് വിശ്വം. ഇൻഡ്യ സഖ്യത്തിന്റെ ഗൗരവം കോൺഗ്രസിന് അറിയില്ലെന്ന് അദ്ദേഹം മീഡിയവണിനോട് പറഞ്ഞു. ഉപ്പുപ്പാക്ക് ഒരാനയുണ്ടായിരുന്നു, അതുകൊണ്ട് കാര്യമില്ല.

വലിയ കർത്തവ്യങ്ങൾ നിറവേറ്റാനുള്ള സഖ്യമാണ് ഇൻഡ്യ മുന്നണി. പക്ഷേ ആ സഖ്യത്തിന്റെ ഗൗരവം കോൺഗ്രസിന് അറിയില്ല. അവരിപ്പോഴും ഭൂതകാലത്തിന്റെ പ്രതാപത്തിൽ ജീവിക്കുകയാണെന്നും ബിനോയ് വിശ്വം അഭിപ്രായപ്പെട്ടു.

ശത്രുവിനെ ചെറുക്കാനുള്ള സമരത്തിൽ എല്ലാവരെയും കൂട്ടണം. അതിൽ കോൺഗ്രസ് വഹിക്കുന്ന പങ്കിനെക്കുറിച്ച് കോൺഗ്രസിനറിയില്ല. അതുകൊണ്ടാണ് കോൺഗ്രസ് മിത്രങ്ങളെ കാണാതെ രാഷ്ട്രീയായ തെറ്റിലേക്ക് പോയത്. ആ തെറ്റുകളാണ് ഹരിയാനയിലും മഹാരാഷ്ട്രയിലും ഡൽഹിയിലും ബിജെപിയെ ജയിപ്പിച്ചത്. ആ തെറ്റ് കോൺഗ്രസ് തിരുത്തണ‌മെന്നും അദ്ദേഹം കൂട്ടിച്ചേർത്തു.