സിപിഐ സ്ഥാനാർഥി പട്ടിക; അവസരം നൽകാത്തതിൽ സി.സി മുകുന്ദന് അതൃപ്തി

തൃശൂർ: രണ്ടാമതും മത്സരത്തിന് അവസരം നൽകാത്തതിൽ നാട്ടിക എംഎൽഎ സി.സി മുകുന്ദന് അതൃപ്തി. മുകുന്ദൻ ഇത്തവണ സ്വതന്ത്ര സ്ഥാനാർഥിയാകാൻ സാധ്യതയുണ്ട്. ഇത്തവണ നാട്ടികയിൽ മുൻ എംഎൽഎ ​ഗീത ​ഗോപിയെയാണ് സിപിഐ പരി​ഗണിക്കുന്നത്.

തൃശൂരിൽ കവി ആലങ്കോട് ലീലാകൃഷ്ണൻ എൽഡിഎഫ് സ്ഥാനാർഥിയാകും. ജയരാജ് വാര്യർ മത്സരിക്കാനില്ലെന്ന് നിലപാട് വ്യക്തമാക്കിയതോടെയാണ് ആലങ്കോട് ലീലാകൃഷ്ണനെ പരി​ഗണിക്കുന്നത്. ഒല്ലൂരിൽ മന്ത്രി കെ.രാജനും, കൊടുങ്ങല്ലൂരിൽ വി.ആർ സുനിൽ കുമാറും, കയ്പമം​ഗലത്ത് കെ.കെ വത്സരാജും മത്സരിക്കും.