യുവനടിയുടെ വെളിപ്പെടുത്തൽ: രാഹുല് മാങ്കൂട്ടത്തിലിനെതിരെ യൂത്ത് കോണ്ഗ്രസ് സംസ്ഥാന കമ്മിറ്റിയുടെ വാട്സാപ്പ് ഗ്രൂപ്പില് വിമർശനം
|തെറ്റ് ചെയ്തിട്ടുണ്ടെങ്കില് രാഹുല് മാറി നില്ക്കണമെന്നും എത്രാമത്തെ തവണയാണ് ഇതുപോലെ ആരോപണങ്ങള് കേള്ക്കുന്നതെന്നും സംസ്ഥാന ജനറല് സെക്രട്ടറി ആർ.വി സ്നേഹ
കോഴിക്കോട്: രാഹുല് മാങ്കൂട്ടത്തിലിനെതിരെ യൂത്ത് കോണ്ഗ്രസ് സംസ്ഥാന കമ്മിറ്റിയുടെ വാട്സാപ്പ് ഗ്രൂപ്പില് വിമർശനം തെറ്റ് ചെയ്തിട്ടുണ്ടെങ്കില് രാഹുല് മാറി നില്ക്കണമെന്നും എത്രാമത്തെ തവണയാണ് ഇതുപോലെ ആരോപണങ്ങള് കേള്ക്കുന്നതെന്നും സംസ്ഥാന ജനറല് സെക്രട്ടറി ആർ.വി സ്നേഹ. ആരോപണങ്ങള് എപ്പോഴും ചിരിച്ചു തള്ളാനാകില്ല. മാധ്യമങ്ങളില് വെണ്ടക്ക അക്ഷരത്തില് വാർത്ത വന്നിട്ടും മൗനം പാലിക്കുന്നത് ശരിയല്ല. സംഘടന ഇതിനോട് പ്രതികരിക്കണമെന്നും സ്നേഹ പറഞ്ഞു.
ഇത്തരം ആരോപണങ്ങള് വന്നാല് മാറി നില്ക്കുന്നതാണ് രീതി. സത്യം സമൂഹത്തെ അറിയിക്കാന് സംഘടനക്ക് ബാധ്യതയുണ്ട്. DYFI നേതാവിനെതിരെ ആണ് ഇത്തരം ആരോപണം വന്നതെങ്കില് അവർ പ്രതികരിച്ചേനെയെന്നും സ്നേഹ. ഇത്തരം വിഷയങ്ങള് ചർച്ച ചെയ്യാന് സംഘടനയില് വേദിയില്ലെന്നും ആർ.വി സ്നേഹ പറഞ്ഞു. വിഷയം ഗ്രൂപ്പില് ചർച്ച ചെയ്യരുതെന്നും ചില ഭാരവാഹികൾ ആവശ്യപെട്ടു.