പുതുവത്സരാഘോഷത്തിനിടെ ചെറായിയിൽ റിസോർട്ടിന് തീപിടിച്ചു

കൊച്ചി: പുതുവത്സരാഘോഷത്തിനിടെ എറണാകുളം ചെറായിയിൽ റിസോർട്ടിന് തീപിടിച്ചു. പുലർച്ചെ 12 മണിയോടെയാണ് സംഭവം. പുതുവത്സരാഘോഷത്തിന്റെ ഭാഗമായി ചെറായി ബീച്ചിൽ വെടിക്കെട്ട് നടന്നിരുന്നു. ഇതിൽനിന്ന് ഉയർന്ന തീ സമീപത്തെ റിസോർട്ടിൽ പതിക്കുകയായിരുന്നു. പറവൂരിൽനിന്ന് ഫയർഫോഴ്‌സ് എത്തിയാണ് തീയണച്ചത്. റസ്‌റ്റോറന്റിന്റെ മേൽക്കൂര ഭാഗികമായി കത്തിനശിച്ചു.