സംസ്ഥാനത്ത് കനത്ത മഴ തുടരുന്നു; മൂന്ന് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി
|ഇന്നും 7 ജില്ലകള്ക്ക് ഓറഞ്ച് അലര്ട്ട് പ്രഖ്യാപിച്ചു
തിരുവനന്തപുരം: സംസ്ഥാനത്ത് പലയിടത്തും കനത്ത മഴ തുടരുന്നു. ഇന്നും 7 ജില്ലകള്ക്ക് ഓറഞ്ച് അലര്ട്ട് പ്രഖ്യാപിച്ചു. പത്തനംതിട്ട, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകള്ക്കാണ് അതി ശക്ത മഴ മുന്നറിയിപ്പ്.
മറ്റു ജില്ലകള്ക്ക് യെല്ലോ അലെര്ട് നല്കിയിട്ടുണ്ട്. അതേസമയം പത്തനംതിട്ട,കോട്ടയം,എറണാകുളം ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന്
അവധി പ്രഖ്യാപിച്ചു. ബംഗാള് ഉള്ക്കടലിനു മുകളില് രൂപപ്പെട്ട അതിതീവ്ര ന്യൂനമര്ദ്ദമാണ് മഴ കനക്കാന് കാരണം. വരുംദിവസങ്ങളിലും മഴ തുടരും.
അതേസമയം വടക്ക് പടിഞ്ഞാറന് കാറ്റ് കേരളത്തില് ശക്തമായി തുടരുകയാണ്. മലയോര തീരദേശ മേഖലകളില് പ്രത്യേക ജാഗ്രത നിര്ദ്ദേശം നല്കിയിട്ടുണ്ട്. ഉയര്ന്ന തിരമാലക്കും കടലാക്രമണത്തിനും സാധ്യതയുള്ളതിനാല് ഇന്നും കേരളതീരത്ത് മത്സ്യബന്ധനത്തിന് വിലക്ക് തുടരും.