സിസാ തോമസിന് മുഴുവൻ വിരമിക്കൽ ആനുകൂല്യം രണ്ടാഴ്ചക്കകം നൽകണമെന്ന് ഹൈക്കോടതി
|ഡിവിഷൻ ബെഞ്ചിന്റേതാണ് ഉത്തരവ്
കൊച്ചി: സാങ്കേതികസർവകലാശാല വിസിയായിരുന്ന ഡോ. സിസാ തോമസിന് വിരമിക്കൽ ആനുകൂല്യം ഉടന് നൽകണമെന്ന് ഹൈക്കോടതി ഡിവിഷൻ ബെഞ്ച്. ഇന്നുമുതല് രണ്ടാഴ്ചക്കകം മുഴുവന് ആനുകൂല്യങ്ങളും നൽകണമെന്നാണ് നിര്ദേശം. രണ്ടുവര്ഷമായി സിസാ തോമസ് വിരമിച്ചിട്ടെന്നും ആ സ്ഥാനത്ത് നമ്മളെത്തന്നെ സങ്കല്പിച്ചുനോക്കിയാല് മതിയെന്നും ഡിവിഷന് ബെഞ്ച് വിധിക്ക് ശേഷം നിരീക്ഷിച്ചു.
വിരമിക്കൽ ആനുകൂല്യം നൽകാത്തതിന് എതിരെ സിസാ തോമസ് നൽകിയ ഹരജിയിൽ സര്ക്കാരിന് വീണ്ടും നേരത്തെ സര്ക്കാറിനെ ഹൈക്കോടതി വിമര്ശിച്ചിരുന്നു. ജീവനക്കാരുടെ ബാധ്യതകളില് വിരമിക്കും മുന്പ് സര്ക്കാര് തീരുമാനമെടുക്കണമെന്ന് ഹൈക്കോടതി കഴിഞ്ഞദിവസം പറഞ്ഞിരുന്നു.രണ്ട് വര്ഷമായി സര്ക്കാര് എന്താണ് അന്വേഷിക്കുന്നതെന്നും കോടതി ചോദിച്ചു. എന്തുകൊണ്ടാണ് സിസാ തോമസിനോട് സര്ക്കാറിന് ഇത്രവിരോധമെന്നും ഡിവിഷന് ബെഞ്ച് നേരത്തെ ചോദിച്ചിരുന്നു.