ഗവര്‍ണര്‍ക്ക് തിരിച്ചടി: കേരള സർവകലാശാലയില്‍ സെനറ്റ് അംഗങ്ങളെ പുറത്താക്കിയ നടപടി ഹൈക്കോടതി റദ്ദാക്കി

കൊച്ചി: കേരള സർവകലാശാലയിലെ സെനറ്റ് അംഗങ്ങളെ പുറത്താക്കിയ നടപടിയില്‍ ഗവർണര്‍ക്ക് തിരിച്ചടി. പുറത്താക്കിയ നടപടി ഹൈക്കോടതി റദ്ദാക്കി. അൽപ്പസമയം മുമ്പാണ് ജസ്റ്റിസ് സതീശ് നയനാന്റെ ബെഞ്ച് കേസിൽ വിധിപ്രസ്താവം നടത്തിയത്.

Also Read:തമിഴ്നാട്ടിലും ഗവർണർ-സർക്കാർ പോര്; നയപ്രഖ്യാപന പ്രസംഗത്തിനിടെ ഗവർണര്‍ ഇറങ്ങിപ്പോയി

സെനറ്റ് അംഗങ്ങളെ പുറത്താക്കിയ ഗവർണറുടെ നടപടി റദ്ദാക്കിക്കൊണ്ട് സെനറ്റ് അംഗങ്ങളുടെ ഹരജി അംഗീകരിക്കുകയാണ് സതീശ് നയനാൻ ചെയ്തിരിക്കുന്നത്. കേസിന്റെ വാദം പൂർത്തിയാക്കിയത് ജസ്റ്റിസ് ദേവൻ രാമചന്ദ്രന്റെ ബെഞ്ചിലായിരുന്നു.

Also Read:ഗവർണറോട് വിട്ടുവീഴ്ച വേണ്ടെന്ന് സി.പി.എം; സെർച്ച് കമ്മിറ്റിയിലേക്ക് പ്രതിനിധിയെ നൽകില്ല

പിന്നീട് ഈ കേസ് ഒരിക്കൽ വിധിപറയാൻ മാറ്റിയെങ്കിലും വീണ്ടും സെനറ്റുമായി ബന്ധപ്പെട്ട് കൂടുതൽ കേസുകൾ വന്നതിനാൽ ഇതിൽ കൂടുതൽ വാദം കേൾക്കാമെന്ന് തീരുമാനിക്കുകയായിരുന്നു. പിന്നീടാണ് ഹൈക്കോടതിയിലെ പരിഗണനാ വിഷയങ്ങളിൽ മാറ്റം വരികയും ജസ്റ്റിസ് സതീശ് നയനാന്റെ ബെഞ്ചിലേക്ക് പോവുകയും ചെയ്തത്.