ജോയിക്ക് അതൃപ്തിയില്ല, അൻവറിന്റെ കാര്യത്തിൽ ആലോചിച്ച് തീരുമാനമെടുക്കും- സണ്ണി ജോസഫ്

തിരുവനന്തപുരം: പി.വി അൻവറിന്റെ യുഡിഎഫ് പ്രവേശനത്തിൽ ആലോചിച്ച് തീരുമാനമെടുക്കുമെന്ന് കെപിസിസി പ്രസിഡന്റ് സണ്ണി ജോസഫ്.

ഐകകണ്ഠ്യേനയാണ് നിലമ്പൂരിൽ സ്ഥാനാർഥിയെ തെരഞ്ഞെടുത്തത്. ജോയിയുടെ നിലപാടുകൾ നന്ദിയോടെ ഓർക്കുമെന്നും സണ്ണി ജോസഫ് പറഞ്ഞു. സ്ഥാനാർഥി പ്രഖ്യാപനത്തെ സ്വാ​ഗതം ചെയ്ത് ജോയ് തന്നെ ഫെയ്സ്ബുക്ക് പോസ്റ്റിട്ടിട്ടുണ്ട്. ജോയ് കോൺ​ഗ്രസിന്റെ സമുന്നതനായ ഒരു നേതാവാണ്, ജില്ലാ കോൺ​ഗ്രസ് കമ്മിറ്റിയുടെ കരുത്തനായ പ്രസി‍‍ഡന്റാണ്, ജോയിയുടെ നിലപാടുകളെ കോൺ​ഗ്രസ് അങ്ങേയറ്റം നന്ദിയോടെയും ബഹുമാനത്തോടെയും കാണുന്നുവെന്നും സണ്ണി ജോസഫ് വ്യക്തമാക്കി.

സ്ഥാനാർഥി പ്രഖ്യാപനവുമായി ബന്ധപ്പെട്ട കാര്യങ്ങളിൽ അൻവറുമായി ചർച്ച ചെയ്ത് പരിഹരിക്കാൻ കഴിയുമെന്നാണ് വിശ്വാസമെന്നും അദേഹം കൂട്ടിച്ചേർത്തു.

വാർത്ത കാണാം: