കടകംപള്ളി സുരേന്ദ്രനും, രാജു എബ്രഹാമും ഉണ്ണികൃഷ്ണൻ പോറ്റിയുടെ വീട്ടിൽ; ഫോട്ടോ പുറത്ത്

തിരുവനന്തപുരം: കടകംപള്ളി സുരേന്ദ്രനും, രാജു എബ്രഹാവും ഉണ്ണികൃഷ്ണൻ പോറ്റിയുടെ വീട്ടിലുള്ള ഫോട്ടോ പുറത്ത്. ഉണ്ണികൃണൻ പോറ്റിയുടെ അച്ഛന് ഉപഹാരം നൽകുന്ന ഫോട്ടോയാണ് പുറത്തുവന്നത്. അന്ന് കടകംപള്ളി ദേവസ്വം മന്ത്രിയും, രാജു എബ്രഹാം എംഎൽഎയുമായിരുന്നു.

അതേസമയം, ശബരിമല സ്വർണക്കൊള്ള കേസിൽ കടകംപള്ളി സുരേന്ദ്രനും ഇഡിയുടെ അന്വേഷണ പരിധിയിൽ. ആരോപണങ്ങൾ ഇഡി അന്വേഷിക്കും. പോറ്റിയുമായി സാമ്പത്തിക ബന്ധമുണ്ടോ എന്നതടക്കം പരിശോധിക്കും. കടകംപള്ളി പ്രത്യേക അന്വേഷണ സംഘത്തിന് നൽകിയ മൊഴിയും ഇഡി പരിശോധിക്കും.

ശബരിമല സ്വർണക്കൊള്ള കേസിൽ എന്‍.വാസുവിന്‍റെയും മുരാരി ബാബുവിന്റെയും ജാമ്യാപേക്ഷ‍ ഇന്ന് പരിഗണിക്കും. വാസുവിന്റെ സുപ്രിംകോടതിയും മുരാരി ബാബുവിന്റേത് കൊല്ലം വിജിലൻസ് കോടതിയുമാണ് പരിഗണിക്കുന്നത്. ജാമ്യം നിഷേധിച്ച ഹൈക്കോടതി ഉത്തരവിനെതിരെയാണ് വാസുവിന്‍റെ അപ്പീൽ. അറസ്റ്റ് ചെയ്ത് 90 ദിവസം കഴിഞ്ഞിട്ടും കുറ്റപത്രം സമർപ്പിക്കാത്ത സാഹചര്യത്തിൽ ജാമ്യം തേടിയാണ് മുരാരി ബാബു കോടതിയെ സമീപിച്ചത്