ചെയർമാൻ അനധികൃതമായി ലോൺ നൽകിയെന്ന് പരാതി; കോഴിക്കോട് കാരശ്ശേരി സഹകരണ ബാങ്കിൽ വിജിലൻസ് പരിശോധന

കോഴിക്കോട്: കോഴിക്കോട് കാരശ്ശേരി സഹകരണ ബാങ്കില്‍ വിജിലന്‍സ് പരിശോധന. വിജിലന്‍സ് ഡിവൈഎസ്പി ശിവപ്രസാദിന്റെ നേതൃത്വത്തിലാണ് പരിശോധന. അനധികൃത ലോണുകളെ കുറിച്ചുള്ള കേസിന്റെ പരിശോധനയ്ക്കാണ് വിജിലന്‍സ് എത്തിയതെന്നാണ് സൂചന.

സഹകരണ ബാങ്കിലെ ചെയര്‍മാന്‍ അബ്ദുറഹ്മാന്‍ അനധികൃതമായി ലോണുകള്‍ നല്‍കിയെന്ന് നേരത്തെ പരാതികളുയര്‍ന്നിരുന്നു. ഈ ലോണുകളെല്ലാം തന്നെ എഴുതിത്തള്ളിയെന്നും ഉയര്‍ന്നുവന്ന പരാതികളുടെ അടിസ്ഥാനത്തിലാണ് വിജിലന്‍സിന്റെ മിന്നല്‍ പരിശോധന.

പരിശോധന പുരോഗമിച്ചുകൊണ്ടിരിക്കുകയാണ്.

കാരശ്ശേരി സഹകരണ ബാങ്കുമായി ബന്ധപ്പെട്ട് നേരത്തെയും വിവാദങ്ങളുയര്‍ന്നിരുന്നു. തെരഞ്ഞെടുപ്പുമായി ബന്ധപ്പെട്ട് കരട് വോട്ടര്‍പട്ടികയുടെ ലിസ്റ്റ് കിട്ടിയില്ലെന്ന് പറഞ്ഞ് സിപിഎം, കോണ്‍ഗ്രസ് പ്രവര്‍ത്തകര്‍ തമ്മില്‍ ഏറ്റുമുട്ടിയിരുന്നു.