'ധാര്‍മികതയില്ലാത്തവര്‍ രാഷ്ട്രീയരംഗത്ത് തുടരരുതെന്ന സന്ദേശമാണ് രാഹുലിൻ്റെ പുറത്താക്കല്‍'‌: കെ. കെ രമ

കോഴിക്കോട്: ബലാത്സംഗ കേസില്‍ അകപ്പെട്ട രാഹുല്‍ മാങ്കൂട്ടത്തിലിനെതിരായ കോൺ​ഗ്രസ് നടപടി ധാർമികതയില്ലാത്തവർ രാഷ്ട്രീയ രംഗത്ത് തുടരരുതെന്ന സന്ദേശമാണ് നൽകുന്നതെന്ന് കെകെ രമ എംഎൽഎ.

സിപി‌എം തീവ്രത അളക്കുന്ന ഘട്ടത്തിലാണെന്നും കെകെ രമ പറഞ്ഞു. രാഹുല്‍ ആരോപണം തെരഞ്ഞെടുപ്പില്‍ ചർച്ചയല്ല. പൊതുപ്രവർത്തനത്തിൽ ധാർമികത പുലർത്തണോ എന്നത് പൊതുപ്രവർത്തകർ തീരുമാനിക്കേണ്ട കാര്യമാണ്. കോൺ​ഗ്രസ് പാർട്ടി ശക്തമായ നിലപാട് എടുത്തു. ഇത് ഒരു പ്രതീക്ഷയാണ് നൽകുന്നത്.

സിപിഎമ്മിൽ ഇപ്പോഴും അത്തരം ആളുകൾ തുടരുകയാണ്. അവർ തീവ്രത അളക്കുകയും പാർട്ടി കോടതി തീരുമാനിക്കുകയും ചെയ്യുകയാണ്. കോൺ​ഗ്രസ് പാർട്ടി നിലപാട് മറ്റ് പാർട്ടികൾക്കുകൂടി മാതൃകയാണെന്നും കെ. കെ രമ പറഞ്ഞു.