കോടിയേരി വീണ്ടും സിപിഎം സംസ്ഥാന സെക്രട്ടറി
|ഒരു വര്ഷത്തിനു ശേഷമാണ് മടങ്ങിവരവ്.
കോടിയേരി ബാലകൃഷ്ണന് സിപിഎം സംസ്ഥാന സെക്രട്ടറി സ്ഥാനത്തേക്ക് മടങ്ങിവരുന്നു. ഒരു വര്ഷത്തിനു ശേഷമാണ് മടങ്ങിവരവ്. തിരിച്ചുവരവിന് സിപിഎം സംസ്ഥാന സെക്രട്ടറിയേറ്റ് അംഗീകാരം നല്കി.
കഴിഞ്ഞ വര്ഷം നവംബര് 22നാണ് കോടിയേരി അവധിയില് പ്രവേശിച്ചത്. ആരോഗ്യകാരണങ്ങളും മകന് ബിനീഷ് കോടിയേരിയേരിയുടെ അറസ്റ്റുമായിരുന്നു കാരണങ്ങള്. മാറിനിൽക്കാനുള്ള സന്നദ്ധത സംസ്ഥാന സെക്രട്ടേറിയറ്റ് യോഗത്തിൽ അറിയിച്ച കോടിയേരി, അവധി അപേക്ഷ നൽകുകയായിരുന്നു. പാർട്ടി അംഗീകരിച്ചു. അർബുദത്തിനു തുടർചികിൽസ ആവശ്യമായതിനാൽ അനുവദിക്കുകയായിരുന്നെന്നു പാർട്ടി വിശദീകരിച്ചു.
തുടര്ന്ന് എ വിജയരാഘവന് താത്കാലിക ചുമതല നല്കി. ബിനീഷ് കോടിയേരിക്ക് ജാമ്യം ലഭിച്ചതിനു പിന്നാലെയാണ് കോടിയേരി സെക്രട്ടറി സ്ഥാനത്തേക്ക് തിരിച്ചുവരുന്നത്. പാര്ട്ടിസമ്മേളനങ്ങള് നടക്കുന്നതിനാല് സ്ഥിരം സെക്രട്ടറി എന്ന നിലയില് കോടിയേരി ചുമതല ഏറ്റെടുക്കണമെന്ന് പാര്ട്ടിയില് അഭിപ്രായമുയര്ന്നിരുന്നു.