ചേനയാണെന്ന് കരുതി വാക്കത്തി കൊണ്ട് വെട്ടി; പന്നിപ്പടക്കം പൊട്ടി യുവതിയുടെ കൈപ്പത്തി അറ്റു, കാഴ്ച നഷ്ടമായി

കൊല്ലം: കൊല്ലം കടയ്ക്കലിൽ പന്നിപ്പടക്കം പൊട്ടി യുവതിക്ക് ഗുരുതരപരിക്ക്. ടി.ടി.സി വിദ്യാർഥിനിയായ രാജിക്കാണ് പരിക്കേറ്റത്. യുവതിയുടെ ഇടതുകൈപ്പത്തി അറ്റു. ഒരു കണ്ണിന്റെ കാഴ്ചയും നഷ്ടപ്പെട്ടിട്ടുണ്ട്.

Read Alsoയുവതിയെ ജീപ്പിന് മുകളില്‍ കിടത്തി പൊലീസുകാരുടെ യാത്ര; റോഡില്‍ വീണ് യുവതിക്ക് ഗുരുതരപരിക്ക്

ഇന്ന് രാവിലെ ഏട്ടേകാലോടെ വീട്ടുമുറ്റത്ത് നിന്നാണ് രാജിയുടെ അമ്മയ്ക്ക് പന്നിപ്പടക്കം കിട്ടിയത്. ചേനയാണെന്ന് കരുതി വാക്കത്തി കൊണ്ട് വെട്ടിയപ്പോൾ സ്‌ഫോടനമുണ്ടാവുകയായിരുന്നു. നിലവിൽ തിരുവനന്തപുരം മെഡിക്കൽ കോളജിൽ ചികിത്സയിലാണ് യുവതി. കാൽപ്പത്തിക്കും പരിക്കുള്ളതായാണ് വിവരം.