കെഎസ്ആർടിസി ഡീസൽ പ്രതിസന്ധി; ഇന്നും സർവീസുകൾ മുടങ്ങും

തിരുവനന്തപുരം: സംസ്ഥാനത്ത് ഇന്ന് കെഎസ്ആർടിസി സർവീസുകൾ ഭാഗികമായി നിലയ്ക്കും. ഡീസൽ പ്രതിസന്ധി കണക്കിലെടുത്ത് ഭൂരിഭാഗം ഓർഡിനറി ബസുകളും ഭാഗികമായി ദീർഘദൂര ബസ്സുകളും സർവീസ് നടത്തില്ല. കിലോമീറ്ററിന് 35 രൂപയിൽ കുറവ് വരുമാനമുള്ള ബസ്സുകളാണ് നിർത്തിയിടുന്നത്.

തിരക്ക് അനുസരിച്ച് സൂപ്പർ ക്ലാസ് സർവീസുകൾ നടത്താനാണ് നിർദേശം. ഡീസൽ പ്രതിസന്ധി പരിഹരിക്കാൻ സർക്കർ 20 കോടി രൂപ അനുവദിച്ചെങ്കിലും കെഎസ്ആർടിസിയുടെ അക്കൗണ്ടിൽ എത്താൻ ബുധനാഴ്ച ആകും.