'വിഎസിന്റെ സ്നേഹവും രൂക്ഷമായ ആക്രമണവും ഒരുപോലെ അനുഭവിച്ചയാളാണ് ഞാൻ' - കെ.ഇ.എൻ കുഞ്ഞഹമ്മദ്

കോഴിക്കോട്: കേരളത്തിന്റെ മുൻ മുഖ്യമന്ത്രി വി.എസ് അച്യുതാനന്ദന്റെ വിയോഗത്തെ തുടർന്ന് കലാസാഹിത്യ സാംസ്‌കാരിക മേഖല വ്യത്യാസങ്ങളില്ലാതെ പലരും വിഎസുമായുള്ള തങ്ങളുടെ ഓർമകൾ പങ്കുവെക്കുന്നു. ഇടതുപക്ഷ സാംസ്‌കാരിക പ്രവർത്തകനും ഗ്രന്ഥകാരനുമായ കെ.ഇ.എൻ കുഞ്ഞഹമ്മദ് തന്റെ വിഎസ് ഓർമ പങ്കുവെക്കുകയാണ്. വിഎസിന്റെ സ്നേഹവും രൂക്ഷമായ ആക്രമണവും ഒരേപോലെ ലഭിച്ച ഒരാളാണ് താൻ എന്ന് കെ.ഇ.എൻ പറയുന്നു. 'ഇടപെടൽ' എന്ന വാരാദ്യമാധ്യമത്തിൽ എഴുതുന്ന കോളത്തിലാണ് അദേഹം ഇത് പറയുന്നത്.

വി.എസ് പാർട്ടി സെക്രട്ടറി ആയിരുന്ന കാലത്ത് അധ്യാപകനായിരുന്ന കെ.ഇ.എനിനെ എകെജി സെന്ററിൽ ഒരു ഉത്തരവാദിത്വം ഏൽപ്പിക്കാൻ വി.എസ് നേരിട്ട് വിളിച്ചതാണ് അദ്ദേഹം പങ്കുവെക്കുന്ന സ്നേഹത്തിന്റെ ഓർമ. അതേസമയം, ‘രാ​ഷ്ട്രീ​യ​ത്തി​ൽ ആ​ൾ​ദൈ​വ​ങ്ങ​ൾ ഉ​ണ്ടാ​വും വി​ധം’ എന്ന കെ.ഇ.എനിന്റെ പ്രബന്ധം വിഎസിനെ ചൊടിപ്പിച്ചതും അദ്ദേഹം അതിന്റെ പേരിൽ 'കുരങ്ങൻ' പ്രയോഗം നടത്തിയതും അതിന്റെ മറുപടിയായി ‘വൈസ്രോയിമാർക്ക് വേണ്ടത് കുരങ്ങുസൂപ്പോ’ എന്ന പുസ്തകം വന്ന വഴിയും അദ്ദേഹം വിശദീകരിക്കുന്നു.

കെ.ഇ.എൻ എഴുതുന്നു:

'വി.എസിന്റെ സ്നേഹം ഏറ്റവും കൂടുതൽ അനുഭവിക്കാൻ ഇടംകിട്ടിയ സാംസ്കാരിക പ്രവർത്തകരിൽ ഒരാളാണ് ഞാൻ എന്ന ആഹ്ലാദംകൂടി ഈയൊരു അനുസ്മരണ വേളയിൽ അടയാളപ്പെടുത്തേണ്ടതുണ്ട്. അ​ദ്ദേ​ഹം പാ​ർ​ട്ടി സെ​​ക്ര​ട്ട​റി​യാ​യി​രു​ന്ന കാ​ല​ത്ത്, കോ​ള​ജ് അ​ധ്യാ​പ​ക​ജോ​ലി ഒ​ഴി​വാ​ക്കി തി​രു​വ​ന​ന്ത​പു​ര​ത്ത് അ​തി​നേ​ക്കാ​ളും ‘മി​ക​ച്ചൊ​രു’ ഉത്തരവാദിത്തമുള്ള പ​ദ​വി​യി​ൽ പ്ര​വേ​ശി​ക്കാ​ൻ സ്നേ​ഹ​പൂ​ർ​വം ആ​വ​ശ്യ​പ്പെ​ട്ടി​രു​ന്നു. എ.​കെ.​​ജി സെ​ന്റ​റി​ൽ ഉ​ട​ൻ എ​ത്ത​ണം എ​ന്ന വി.​എ​സി​ന്റെ ‘ലൈ​റ്റ്നി​ങ് കാ​ൾ’ ആ​ഹ്ലാ​ദ​പ​രി​ഭ്ര​മ​ങ്ങ​ളാ​ണ് അ​ന്നു​ണ്ടാ​ക്കി​യ​ത്. സ്നേഹത്തോടെ ആ ഉത്തരവാദിത്തമേറ്റെടുക്കാനുള്ള വ്യക്തിപരമായ പ്രയാസം അന്നു ഞാൻ അദ്ദേഹത്തെ ബോധ്യപ്പെടുത്താൻ ശ്രമിച്ചെങ്കിലും; വീ​ട്ടിൽ പോ​യി ഒ​ന്നു​കൂ​ടി ആ​ലോ​ചി​ച്ചി​ട്ട് പ​റ​ഞ്ഞാ​ൽ മ​തി​യെ​ന്ന് വി.​എ​സ് പി​ന്നെ​യും പ​റ​ഞ്ഞു. ഇക്കാര്യം അധികമാർക്കുമറിയില്ല. മു​മ്പേ​തോ ഒ​ര​ഭി​മു​ഖ​ത്തി​ൽ ഇ​ക്കാ​ര്യം പ​റ​ഞ്ഞ​താ​യാ​ണ് ഓ​ർ​ക്കു​ന്ന​ത്.

എ​ന്നാ​ൽ, വി.​എ​സി​ന്റെ ‘രൂ​ക്ഷ​മാ​യ ​ആ​ക്ര​മ​ണ​വും അ​നു​ഭ​വി​ക്കേ​ണ്ടി​വ​ന്നി​ട്ടു​ള്ള​വ​രി​ൽ ഒ​രാ​ളാ​ണ് ഞാനെ​ന്ന​ത് സ​ർ​വ​ർ​ക്കു​മ​റി​യാം. കാരണം, അതിനുകിട്ടിയ മാധ്യമശ്രദ്ധ അസാധാരണമായിരുന്നു. സർവ ഫാഷിസ്റ്റുകളും, എന്നെപ്പോലെ ഒരധികാരവുമില്ലാത്ത പാവം സാംസ്കാരികപ്രവർത്തകനെ ആക്രമിക്കാനുള്ള നല്ലൊരവസരമാക്കി അരങ്ങുകൊഴുപ്പിച്ചു. അതുകൊണ്ടുതന്നെ അവർക്കെല്ലാവർക്കുംവേണ്ടി ‘വൈസ്രോയിമാർക്ക് വേണ്ടത് കുരങ്ങുസൂപ്പോ’ എന്നപേരിൽ ഒരു പുസ്തകം വഴിയാണ് അതിനോടുള്ള എന്റെ സർഗാത്മക സമര നിലപാടുകൾ ഞാൻ വ്യക്തമാക്കിയത്. ‘രാ​ഷ്ട്രീ​യ​ത്തി​ൽ ആ​ൾ​ദൈ​വ​ങ്ങ​ൾ ഉ​ണ്ടാ​വും വി​ധം’ എ​ന്ന എ​ന്റെ പ്ര​ബ​ന്ധ​മാ​ണ് വി.​എ​സി​ന് അ​ന്ന് പ്ര​കോ​പ​ന​മാ​യ​ത്. ആ ​പ്ര​കോ​പ​നം സൃ​ഷ്ടി​ച്ച വി​കാ​ര​വേ​ലി​യേ​റ്റ​ത്തി​ലാ​വ​ണം വി.​എ​സും ഞാ​നു​മ​ട​ങ്ങു​ന്ന​വ​ർ ഭൗതികവാദികൾ ‘ഒരേകദേ​ശ മ​ട്ടി​ൽ’ ആ​ദി​പി​താ​വാ​യി ക​രു​തു​ന്ന ‘കു​ര​ങ്ങ​ൻ’ എ​നി​ക്കു​മാ​ത്ര​മാ​യി അ​ദ്ദേ​ഹം പ​തി​ച്ചു​ന​ൽ​കി​യ​ത്! എ​ന്നാ​ൽ, അ​തി​നോ​ടു​ള്ള എ​ന്റെ സ​ർ​ഗാ​ത്മ​ക പ്ര​തി​ക​ര​ണം ഒ​രു പു​സ്ത​ക​രൂ​പ​ത്തി​ൽ വ​ന്ന​തോ​ടു​കൂ​ടി​യാ​വ​ണം, ഒ​രു​റ​പ്പു​മി​ല്ല, അ​ദ്ദേ​ഹം അ​തു​വി​ട്ടു. ഞാ​നും അ​തു​വി​ട്ടു. പ​ക്ഷേ അ​പൂ​ർ​വം ചി​ല​രി​പ്പോ​ഴും ആ ​പൂ​ർ​വ​പി​താ​വി​നോ​ടു​ള്ള ആ​ദ​രം​കൊ​ണ്ടാ​വ​ണം അ​തി​ന്റെ വാ​ൽ വി​ട്ടി​ട്ടി​ല്ല.

ഇ​ത്ര​യും പ​റ​യു​ന്ന​ത്, പ​ര​സ്പ​ര​മു​ള്ള വി​മ​ർ​ശ​ന​ങ്ങ​ൾ ആ​ദ​ര​വി​നെ അ​വ​സാ​നി​പ്പി​ക്കു​ക​യ​ല്ല, അ​തി​ന് വീ​ര്യം പ​ക​രു​ക​യാ​​ണെ​ന്ന് ഒ​രു പ്ര​തി​ബ​ദ്ധ​ത​യും കൂ​ടാ​തെ വെ​റു​തെ കാ, ​കൂ എ​ന്ന് പ​റ​ഞ്ഞ് കാ​ലം ക​ഴി​ക്കു​ന്ന​വ​രെ ഓ​ർ​മി​പ്പി​ക്കാ​നാ​ണ്. അ​ന്വേ​ഷ​ണ​ങ്ങ​ളും അ​നു​സ്മ​ര​ണ​ങ്ങ​ളും വേ​ർ​തി​രി​യു​ന്ന അ​തി​ർ​ത്തി കൃ​ത്യം ഓ​ർ​മി​ക്കാ​നാ​യാ​ൽ വ​ൻ​മ​ര​ങ്ങ​ൾ​ക്കൊ​പ്പം പു​ൽ​ക്കൊ​ടി​ക​ൾ​ക്കും ഇ​ടം​ന​ൽ​കും​വി​ധം ജീ​വി​തം വി​സ്തൃ​ത​മാ​ണെ​ന്ന് തി​രി​ച്ച​റി​യാ​നു​ള്ള ധീ​ര​മാ​യ വി​ന​യം ന​മു​ക്കു​ണ്ടാ​കും. സർവ മേൽക്കോയ്മകൾക്കുമുമ്പിലും നയിക്കുന്നവരാരും വന്മരമാവണം, നിസ്സഹായർക്കുമുമ്പിൽ അവരൊരു പുൽക്കൊടിയും. ഒന്നാമത്തേതാകാൻ കഴിഞ്ഞില്ലെങ്കിലും രണ്ടാമത്തേതായി അവർക്ക് ഉയരാൻ കഴിഞ്ഞാൽ ആകാശത്തുനിന്നും മഴവില്ലുകൾ അവരെനോക്കി മന്ദഹസിക്കും.' (വാരാദ്യമാധ്യമം)