സർക്കാരിന്റെ മുഖം മിനുക്കൽ പരിപാടിയിൽ പങ്കെടുക്കരുത്; അമർത്യാ സെൻ അടക്കമുള്ളവർക്ക് ചെന്നിത്തലയുടെ കത്ത്

തിരുവനന്തപുരം: സംസ്ഥാന സർക്കാരിന്റെ പരിപാടിയിൽ പങ്കെടുക്കരുതെന്ന് അഭ്യർഥിച്ച് അമർത്യാ സെൻ അടക്കമുള്ളവർക്ക് രമേശ് ചെന്നിത്തലയുടെ കത്ത്. ഇന്റർനാഷണൽ കോൺഫറൻസ് ഓൺ ഡെവലപ്മെന്റ് ആൻഡ് ഡെമോക്രസി സെമിനാറിൽ പങ്കെടുക്കരുതെന്ന് ആവശ്യപ്പെട്ടാണ് കത്ത്. സർക്കാർ നടത്തുന്ന മുഖം മിനുക്കൽ പരിപാടി ആണ് സെമിനാറെന്നാണ് കത്തിൽ പറയുന്നത്. റൊമില ഥാപ്പർ, കനിമൊഴി തുടങ്ങിയവർക്കാണ് തുറന്ന കത്ത് അയച്ചത്.

ഫെബ്രുവരി 15ാം തീയതി തിരുവനന്തപുരത്ത് വെച്ച് നടക്കുന്ന സെമിനാറിൽ പങ്കെടുക്കുമെന്ന് സർക്കാർ അറിയിച്ച പ്രധാനപ്പെട്ട വ്യക്തികൾക്കാണ് ചെന്നിത്തലയുടെ തുറന്ന കത്ത്. തെരഞ്ഞെടുപ്പ് അടുത്ത സമയത്ത് മുഖം മിനുക്കുന്നതിനായി സംസ്ഥാന സർക്കാർ നടത്തുന്ന പിആർ പരിപാടിയാണിത്. മാത്രമല്ല, സർക്കാരിനെതിരെ വലിയ രീതിയിലുള്ള അഴിമതി ആരോപണങ്ങൾ ഉയർന്നിരിക്കുന്ന സാഹചര്യത്തിൽ നടത്തുന്ന പരിപാടിയിൽ പങ്കെടുക്കരുതെന്നാണ് കത്തിൽ ആവശ്യപ്പെടുന്നത്.