വിമാനത്തിന്റെ ശുചിമുറിയിലിരുന്ന് സിഗരറ്റ് വലിച്ചയാൾ അറസ്റ്റിൽ

കൊച്ചി: വിമാനത്തിന്റെ ശുചി മുറിയിലിരുന്ന് സിഗരറ്റ് വലിച്ചയാൾ അറസ്റ്റിൽ. മാള സ്വദേശി സുകുമാരനെയാണ് പൊലീസ് അറസ്റ്റ് ചെയ്തത്.

ദുബൈയിൽ നിന്നും നെടുമ്പാശേരിയിലേക്കുളള സ്‌പൈസ് ജെറ്റ് വിമാനത്തില്‍ യാത്രാമധ്യേയാണ് ഇയാൾ സിഗരറ്റ് വലിച്ചത്. വിമാനക്കമ്പനി അധികൃതരുടെ പരാതിയില്‍ നെടുമ്പാശേരി പൊലീസ് കേസെടുക്കുകയായിരുന്നു.

സുകുമാരൻ കാണിച്ചത് ഗുരുതരമായ തെറ്റാണെന്ന് പരാതിയിൽ പറയുന്നു. യാത്രക്കാരുടെ പരാതിയെ തുടർന്നാണ് വിമാനക്കമ്പനി പൊലീസിനെ സമീപിച്ചത്.

അതേസമയം, അറസ്റ്റ് ചെയ്ത സുകുമാരനെ പിന്നീട് ജാമ്യത്തില്‍ വിട്ടയച്ചു.