ഉപ്പുവെള്ളം കയറി നശിച്ച നെല്ല് സംഭരിക്കും: മന്ത്രി പി.പ്രസാദ്

ആലപ്പുഴ: ഉപ്പുവെള്ളം കയറി നശിച്ച നെല്ല് സംഭരിക്കുമെന്ന് മന്ത്രി പി.പ്രസാദ്. നെല്ല് സംഭരിച്ച് കർഷകർക്ക് വില നൽകുമെന്ന് മന്ത്രി വ്യക്തമാക്കി. ഉപ്പുവെള്ളം കയറി കൃഷി നശിച്ചതിനാൽ കർഷകർ കൃഷിയിൽ നിന്ന് പിന്നോട്ട് പോകുന്നെന്ന് കഴിഞ്ഞ ദിവസം വാർത്ത നൽകിയിരുന്നു. ഇതിന് പിന്നാലെയാണ് മന്ത്രിയുടെ നടപടി.

ഉപ്പുവെള്ളം കയറി നെൽ കൃഷി നശിക്കുന്നത് പതിവായതോടെ കൃഷി ഉപേക്ഷിക്കുന്ന കർഷകരുടെ വാർത്തയിലാണ് മന്ത്രിയുടെ ഇടപെടൽ. കന്നിട്ടക്കായൽ, നടുത്തുരുത്ത്, തയ്യിൽ കായൽ, കക്കാക്കായൽ, ഇടവഴിക്കൻ, അഴീക്കൽ, കുപ്പപ്പുറം തുടങ്ങിയ പാടശേഖരങ്ങളിൽ കൃഷിയിറക്കിയിട്ടില്ല. കനത്ത സാമ്പത്തിക നഷ്ടമുണ്ടായതോടെയാണ് കൃഷി വേണ്ടെന്നുവെക്കാൻ കർഷകർ നിർബന്ധിതരായത്.