കെ- റെയില്‍ പദ്ധതിക്കെതിരെ പ്രതിഷേധം; വിവിധ സംഘടനകളുടെ സെക്രട്ടേറിയറ്റ് മാര്‍ച്ച്

കെ റെയില്‍ പദ്ധതി നടപ്പാക്കരുതെന്നാവശ്യപ്പെട്ട് വിവിധ സംഘടനകള്‍ സെക്രട്ടേറിയറ്റിലേക്ക് മാർച്ച് നടത്തി. ഡോക്ടർ ഗീവര്‍ഗീസ് മാര്‍ കൂറിലോസ് മാർച്ച്ഉദ്ഘാടനം ചെയ്തു. ജനനന്മയ്ക്ക് വേണ്ടിയുള്ള പദ്ധതിയല്ല കെ റെയിലെന്നും മൂലധന മാത്രമാണുള്ളതെന്നും അദ്ദേഹം പറഞ്ഞു.

ഈ സമരത്തിന് രാഷ്ട്രീയമില്ലെന്ന് പ്രതിപക്ഷ നതാവ് വി.ഡി സതീശന്‍ പറഞ്ഞു. പാവപ്പെട്ട ജനങ്ങളെ വഴിയാധാരാമാക്കുന്ന ഈ പദ്ധതി നടത്തില്ലെന്ന് കൊടിക്കുന്നില്‍ സുരേഷ് എം.പി വ്യക്തമാക്കി. മുസ്‍ലിം ലീഗ് നേതാക്കളായ പി.കെ കുഞ്ഞാലിക്കുട്ടി, കെ.പി.എ മജീദ്, എം.എല്‍.എമാരായ മോന്‍സ് ജോസഫ്, കെ.കെ രമ, എന്നിവർ മാര്‍ച്ചില്‍ പങ്കെടുത്തു. സമരത്തിന് ഐക്യദാർഢ്യം പ്രകടിപ്പിച്ച് ബി.ജെ.പി സംസ്ഥാന അധ്യക്ഷന്‍ കെ സുരേന്ദ്രനും എത്തിയിരുന്നു.