കറുത്ത ഗൗൺ അണിഞ്ഞെത്തി; തൃശൂർ മേയർക്കെതിരെ പ്രതിഷേധം

തൃശൂർ: കോർപറേഷൻ കൗൺസിൽ യോഗത്തിൽ തൃശൂർ മേയർ എം.കെ വർ​ഗീസിനെതിരെ കോൺഗ്രസ് പ്രതിഷേധം. കോൺഗ്രസ് കൗൺസിലർമാർ കറുത്ത ഗൗൺ അണിഞ്ഞാണ് യോഗത്തിനെത്തിയത്. കോർപ്പറേഷനിൽ ഭരണ പ്രതിസന്ധിയുണ്ട് എന്നാരോപിച്ചാണ് പ്രതിഷേധം.

ചട്ടങ്ങൾ പാലിച്ചുകൊണ്ടുള്ള യോ​ഗം നടന്നിട്ട് 71 ​ദിവസമായി. ഇത് സത്യപ്രതിജ്ഞ ലംഘനമാണെന്നാരോപിച്ചാണ് പ്രതിഷേധം. സി.പി.ഐ- മേയർ തർക്കം നിലനിൽക്കുന്നുണ്ട്. മേയർ രാജിവെക്കണമെന്ന് സി.പി.ഐ ജില്ലാ സെക്രട്ടറിയടക്കം പറഞ്ഞിരുന്നു. ഇതിന്റെയെല്ലാം പശ്ചാത്തലത്തിലാണ് കോർപ്പറേഷൻ യോ​ഗം വിളിക്കുന്നത് നീണ്ടുപോയത്.