കൊച്ചി ചെറായി പെട്രോൾ പമ്പിലും കവർച്ച; മൊബൈൽ ഫോണും 1,35,000 രൂപയും കവർന്നു

കൊച്ചി: ചെറായി ദേവസ്വംനടയിലെ രംഭാ ഓട്ടോ ഫ്യുവൽസിൽ കവർച്ച. പുലർച്ചെ മൂന്ന് മണിക്കായിരുന്നു കവർച്ച നടന്നത്. എറണാകുളം കോമ്പാറ സ്വദേശിയുടെ ഉടമസ്ഥതയിലാണ് പമ്പ്.

പമ്പിന്റെ മുൻവാതിലിന്റെ പൂട്ട് പൊളിച്ചാണ് മോഷ്ടാക്കൾ അകത്തുകയറിയത്. സംഭവത്തിൽ മുനമ്പം പൊലീസ് കേസെടുത്ത് അന്വേഷണം ആരംഭിച്ചു. മോഷ്ടാക്കളുടെ സിസിടിവി ദൃശ്യങ്ങൾ പൊലീസ് ശേഖരിച്ചിട്ടുണ്ട്.

ഇന്ന് പുലർച്ചെ കോഴിക്കോട് കോട്ടൂളിയിലെ പെട്രോൾ പമ്പിലും കവർച്ച നടന്നിരുന്നു. പുലർച്ചെ 1.40ന് ജീവനക്കാരന്റെ കണ്ണിൽ മുളകുപൊടിയെറിഞ്ഞാണ് പണം കവർന്നത്. ജീവനക്കാരനെ ക്രൂമായി മർദിച്ച ശേഷം കെട്ടിയിട്ട് 50000 രൂപ കവരുകയായിരുന്നു.