സംസ്ഥാന സ്കൂൾ കലോത്സവം മാധ്യമ അവാർഡ്; മീഡിയവണിന് പുരസ്കാരം; മികച്ച ക്യാമറാമാനുള്ള ജൂറി പരാമർശം ബബീഷ് കക്കോടിക്ക്

തൃശൂർ: സംസ്ഥാന സ്കൂൾ കലോത്സവം മാധ്യമ അവാർഡിൽ മീഡിയവണിന് പുരസ്കാരം. മികച്ച ക്യാമറാമാനുള്ള ജൂറി പരാമർശത്തിന് മീഡിയവണിലെ ബബീഷ് കക്കോടി അർഹനായി. തിരുവനന്തപുരത്ത് വച്ച് നടന്ന അറുപത്തി മൂന്നാമത് കേരള സ്‌കൂൾ കലോത്സവത്തിലെ മാധ്യമ പുരസ്കാരമാണ് വിദ്യാഭ്യാസ മന്ത്രി വി. ശിവൻകുട്ടി പ്രഖ്യാപിച്ചത്.

ജേക്കബ് ജോർജ്ജ്, രാജീവ് ശങ്കരൻ, വി.സലിൻ, വി.പി അശ്വതി, കാരയ്ക്കാമണ്ഡപം വിജയകുമാർ എന്നിവർ ഉൾപ്പെട്ട ജൂറിയാണ് അവാർഡിന് അർഹമായ സൃഷ്ടിൾ പരിശോധിച്ചത്. മികച്ച റിപ്പോർട്ടറായി രാഹുൽ ജി നാഥ്- മാതൃഭൂമി ന്യൂസ്, വി.എസ് അനു-ന്യൂസ് മലയാളം, മികച്ച റിപ്പോർട്ടർമാർക്കുള്ള പ്രത്യേക ജൂറി പരാമർശം ഉമേഷ് ബാലകൃഷ്ണൻ-ട്വന്റി ഫോർ ന്യൂസ്, അഞ്ജന അജിത്-ന്യൂസ് മലയാളം, മികച്ച ക്യാമറാമാനായി കെ.ആർ മുകുന്ദൻ-ഏഷ്യാനെറ്റ് ന്യൂസ് എന്നിവരും അർഹരായി. കലോത്സവ മാധ്യമ പുരസ്കാരം. ഓൺലൈൻ വിഭാഗത്തിലെ മികച്ച സമഗ്ര കവറേജ് മാധ്യമം ഓൺലൈനിന് ലഭിച്ചു.