തിരുവനന്തപുരത്ത് മൂന്ന് വയസുകാരനുൾപ്പെടെ പത്ത് പേർക്ക് തെരുവ് നായയുടെ കടിയേറ്റു

തിരുവനന്തപുരം: തിരുവനന്തപുരം അഞ്ചുതെങ്ങിൽ തെരുവ് നായ ആക്രമണത്തിൽ പത്ത് പേർക്ക് കടിയേറ്റു. അഞ്ചുതെങ്ങ് ജംഗ്ഷൻ സമീപത്തായാണ് തെരുവ് നായ ആക്രമണം ഉണ്ടായത്.വീട്ടുമുറ്റത്ത് കളിച്ചുകൊണ്ടിരുന്ന മൂന്നു വയസുകാരനും കടിയേറ്റു. പരിക്കേറ്റവർ ചിറയിൻകീഴ് താലൂക്ക് ആശുപത്രിയിൽ ചികിത്സ തേടി.

എറണാകുളം എരൂരിൽ ലോറി ഡ്രെെവർക്ക് നേരെയും തെരുവ് നായ ആക്രമണമുണ്ടായി. അടിമാലി സ്വദേശിയായ പോൾസൺ എന്നയാൾക്ക് നേരെയാണ് തെരുവ് നായ ആക്രമണം ഉണ്ടായത്.

മലപ്പുറം പൊന്നാനിയിലും മാറഞ്ചേരിയിലും ചൊവ്വാഴ്ചയും ബുധനാഴ്ചയുമായി ഇരുപതോളം പേരെ തെരുവുനായ ആക്രമിച്ചിരുന്നു.