സംസ്ഥാനത്ത് പുതിയതായി 175 മദ്യവില്പ്പന ശാലകള് കൂടി ആരംഭിക്കുന്നത് പരിഗണനയിലെന്ന് സര്ക്കാര്
കേരളത്തില് 1.12 ലക്ഷം പേര്ക്ക് ഒരു മദ്യവില്പ്പന ശാലയെന്ന തരത്തിലാണുള്ളത്. മറ്റുസംസ്ഥാനങ്ങളെ അപേക്ഷിച്ച് ഇത് വളരെ കൂടുതലാണെന്നും സര്ക്കാര്
സംസ്ഥാനത്ത് പുതിയതായി 175 മദ്യവില്പന ശാലകള് കൂടി ആരംഭിക്കുന്നത് പരിഗണനയിലെന്ന് സര്ക്കാര് ഹൈക്കോടതിയില്. ഇത് സംബന്ധിച്ചുള്ള ബെവ്കോയുടെ ശുപാര്ശ എക്സൈസ് വകുപ്പിന്റെ പരിഗണനയിലാണെന്നും സര്ക്കാര് ഹൈക്കോടതിയെ അറിയിച്ചു.
വാക്ക് ഇന് മദ്യവില്പന ശാലകള് തുടങ്ങണമെന്ന കോടതിയുടെ നിര്ദേശവും സജീവ പരിഗണനയിലാണ്. നിലവില് ഒട്ടേറെ മദ്യവില്പ്പനശാലകളില് വാക്ക് ഇന് സൗകര്യമുണ്ടെന്നും സര്ക്കാര് കോടതിയെ അറിയിച്ചു. കേരളത്തില് 1.12 ലക്ഷം പേര്ക്ക് ഒരു മദ്യവില്പ്പന ശാലയെന്ന തരത്തിലാണുള്ളത്. മറ്റുസംസ്ഥാനങ്ങളെ അപേക്ഷിച്ച് ഇത് വളരെ കൂടുതലാണെന്നും സര്ക്കാര് കോടതിയെ അറിയിച്ചു.
അതെ സമയം സമീപവാസികള്ക്ക് ശല്യമാകാത്ത തരത്തില് വേണം മദ്യവില്പ്പനശാലകള് പ്രവര്ത്തിക്കേണ്ടതെന്ന് ഹൈക്കോടതി സര്ക്കാരിനെ ഓര്മ്മിപ്പിച്ചു. ഇത്തരത്തില് ഒട്ടേറെ പരാതികള് കോടതിക്ക് മുന്നിലെത്തുന്നതായി ജസ്റ്റിസ് ദേവന് രാമചന്ദ്രന് ചൂണ്ടിക്കാട്ടി. പൊതുജനങ്ങള്ക്കുണ്ടാകുന്ന ബുദ്ധിമുട്ടുകള് കണ്ടില്ലെന്ന് നടിക്കാനാകില്ലെന്നും ഹൈക്കോടതി നിരീക്ഷിച്ചു.
