ഭൂപരിഷ്കരണ നിയമത്തിൽ മാറ്റം വരുത്താൻ എൽ.ഡി.എഫ് തീരുമാനിച്ചിട്ടില്ല: കാനം

ഭൂപരിഷ്കരണ നിയമത്തിൽ മാറ്റം വരുത്താൻ എൽ.ഡി.എഫ് തീരുമാനിച്ചിട്ടില്ലെന്ന് സി.പി.എ സംസ്ഥാന സെക്രട്ടറി കാനം രാജേന്ദ്രന്‍. അതൊരു നിയമമായി മാറുമ്പോൾ അഭിപ്രായം അറിയിക്കാം. തോട്ടഭൂമിയിൽ ഇടവിളയായി മറ്റ് വിളകൾ കൃഷി ചെയ്യാനുള്ള നിർദ്ദേശം നേരത്തെ നിലവിലുള്ളതാണെന്നും കാനം പറഞ്ഞു.

അതേസമയം തോട്ടവിളകളുടെ വൈവിധ്യവത്കരണത്തിൽ പ്രതിപക്ഷ വിമർശനത്തെ പ്രതിരോധിച്ച് ധനമന്ത്രി കെ.എന്‍ ബാലഗോപാല്‍ രംഗത്തെത്തി. പരിഷ്കാരം ഭൂപരിഷ്കരണ നിയമത്തില്‍ മാറ്റമുണ്ടാക്കില്ലെന്ന് ധനമന്ത്രി മീഡിയവണിനോട് പറഞ്ഞു. മറ്റ് വിളകളെ ഉള്‍പ്പെടുത്താന്‍ നിയമത്തില്‍ ഭേദഗതി വേണ്ടിവരുമെന്നും ധനമന്ത്രി വ്യക്തമാക്കി. മീഡിയവണ്‍ സ്പെഷ്യല്‍ എഡിഷനിലായാരുന്നു പ്രതികരണം.