പൂർവ വിദ്യാർഥി സംഗമം നടക്കുന്നതിനിടെ വാളുവീശി ഭീകരാന്തരീക്ഷം സൃഷ്ടിച്ച് യുവാക്കൾ

വരവൂർ: സ്‌കൂളിൽ പൂർവ വിദ്യാർഥി സംഗമം നടക്കുന്നതിനിടെ വാളുവീശി ഭീകരാന്തരീക്ഷം സൃഷ്ടിച്ച് യുവാക്കൾ. വരവൂർ ഗവൺമെന്റ് ഹയർ സെക്കണ്ടറി സ്‌കൂളിലാണ് ബൈക്കിലെത്തിയ രണ്ട് ചെറുപ്പക്കാർ വടിവാൾ വീശിയത്. അക്രമികളിൽ ഒരാളുടെ ബൈക്കുമായി മറ്റൊരു വാഹനം തട്ടിയിരുന്നു. ഇത് ചോദിക്കാനാണ് വടിവാളുമായെത്തിയത്. ഇവരെ മറ്റുള്ളവർ ഇടപെട്ട് തിരിച്ചയക്കുകയായിരുന്നു. ചെറുതുരുത്തി പൊലീസ് അന്വേഷണം ആരംഭിച്ചു.