'പാലക്കാട് LDF-BJP ഡീലുണ്ട്'; SDPI സംസ്ഥാന വൈസ് പ്രസിഡൻ്റ്

കോഴിക്കോട്: പാലക്കാട് LDF-BJP ഡീലുണ്ടെന്ന് SDPI സംസ്ഥാന വൈസ് പ്രസിഡൻ്റ് പി. അബ്ദുൽഹമീദ്. SDPI നിലപാട് പാലക്കാട് യുഡിഎഫിന് ​ഗുണം ചെയ്യുമെന്നും അദ്ദേഹം പറഞ്ഞു. ചേലക്കരയിൽ പിന്തുണ പി.വി അൻവറിൻ്റെ പാർട്ടിക്കെന്നും അ​ദ്ദേഹം കൂട്ടിച്ചേർത്തു.

വഖഫിനെ കിരാതമെന്ന് ആക്ഷേപിച്ച സുരേഷ് ഗോപി അധമനായ കോമാളിയാണെന്ന് പി. അബ്ദുൽഹമീദ് പറഞ്ഞു. 'വഖഫിൻ്റെ പ്രായോജകർ നാട്ടിലെ മുഴുവൻ മനുഷ്യരാണ്. മുനമ്പം വെച്ച് ബിജെപി പരമാവധി ധ്രുവീകരണം നടത്തുകയാണ്. മുനമ്പത്ത് SDPI കായികമായി ഒഴിപ്പിക്കുമെന്ന് വ്യാജപ്രചാരണം നടത്തുന്നു.'- അദ്ദേഹം കൂട്ടിച്ചേർത്തു.