കോഴിക്കോട്​ എംഡിഎംഎയുമായി മൂന്നുപേർ പിടിയിൽ

കോഴിക്കോട്: പാവങ്ങാട്​ എംഡിഎംഎയുമായി മൂന്നുപേർ പിടിയിൽ. പുതിയങ്ങാടി സ്വദേശി​ നൈജിൽ, മിഥുരാജ്, രാഹുൽ എന്നിവരാണ്​ പിടിയിലായത്​. ഇവരിൽനിന്ന്​ 78 ഗ്രാം എംഡിഎംഎ കണ്ടെടുത്തു. ഡാൻസാഫും പൊലീസും നടത്തിയ പരിശോധനയിലാണ് ഇവർ പിടിയിലായത്​.

കഴിഞ്ഞ കുറച്ചുദിവസങ്ങളായി ഇവരെ പൊലീസ്​ നിരീക്ഷിച്ച്​ വരികയായിരുന്നു. പാവങ്ങാട്​ ഭാഗത്ത്​ വീട്​ വാടകക്ക്​ എടുത്തായിരുന്നു വിൽപ്പന. ചെറിയ പാക്കറ്റുകളിലാക്കി വിൽക്കാൻ ശ്രമിക്കുന്നതിനിടെയാണ്​ ഇവർ പിടിയിലാകുന്നത്​.

ചൊവ്വാഴ്​ച​ പുലർച്ച അതീവ രാഹസ്യമായിട്ടായിരുന്നു പൊലീസ്​ നടപടി. നേരത്തെ രണ്ട്​ തവണ മയക്കുമരുന്ന്​ കേസിൽ അറസ്​റ്റിലായ നൈജിൽ ജാമ്യത്തിലിറങ്ങിയതാണ്​.