ബിസിനസ് വഞ്ചനാ കേസില് ട്രംപിന് ആശ്വാസം; പിഴയായി ചുമത്തിയ 454 മില്യണ് ഡോളര് ഒഴിവാക്കി
|കേസില് സമ്പൂര്ണ വിജയമെന്ന് ട്രംപ് പ്രതികരിച്ചു
ന്യൂയോര്ക്ക്: ബിസിനസ് വഞ്ചനാ കേസില് അമേരിക്കന് പ്രസിഡന്റ് ഡോണള്ഡ് ട്രംപിന് ആശ്വാസം. കീഴ്കോടതി ചുമത്തിയ 454 മില്യണ് ഡോളറിന്റെ പിഴ അഞ്ചംഗ അപ്പീല് കോടതി റദ്ദാക്കി.
കുറ്റം നടന്നിട്ടുണ്ടെന്നും എന്നാല്, ചുമത്തിയിരിക്കുന്ന പിഴ അമിതമെന്നുമാണ് രണ്ട് അപ്പീല് ജഡ്ജിമാര് ഉത്തരവില് വ്യക്തമാക്കിയത്. കേസില് സമ്പൂര്ണ വിജയമെന്ന് ട്രംപ് പ്രതികരിച്ചു.
എന്നാല്, വിധിക്കെതിരെ റിവ്യു ഹര്ജി നല്കുമെന്ന് ന്യൂയോര്ക്ക് അറ്റോര്ണി ജനറലിന്റെ ഓഫീസ് അറിയിച്ചു. കഴിഞ്ഞ ഫെബ്രുവരിയിലാണ് ന്യൂയോര്ക്ക് കോടതി ഡോണള്ഡ് ട്രംപിനെയും ട്രംപ് ഓര്ഗനൈസേഷനെയും ശിക്ഷിച്ചത്.
പോണ് താരം സ്റ്റോമി ഡാനിയേല്സുമായി ലൈംഗിക ബന്ധം മറച്ചുവെക്കാന് പണം നല്കിയെന്നും ഇതിനായി ബിസിനസ് രേഖകളില് കൃത്രിമത്വം കാട്ടിയെന്നുമാണ് കേസ്.
അതേസമയം, ഡോണാള്ഡ് ട്രംപിന്റെ തീരുവ യുദ്ധത്തില് ഇന്ത്യക്കൊപ്പമെന്ന് ചൈന വ്യക്തമാക്കി. ഉഭയകക്ഷി വ്യാപാരബന്ധം മുന്നോട്ട് കൊണ്ടുപോകാന് ചൈന ഇന്ത്യക്കൊപ്പം നില്ക്കുമെന്ന് ഇന്ത്യയിലെ ചൈനീസ് സ്ഥാനപതി ഷു ഫിയോങ് പറഞ്ഞു.