മികച്ച മുഖപ്രസംഗത്തിനുള്ള വി.കരുണാകരൻ നമ്പ്യാർ പുരസ്കാരം മാധ്യമം മീഡിയ വൺ ഗ്രൂപ്പ് എഡിറ്റർ ഒ.അബ്​ദുൽ റഹ്​മാന്​

കൊച്ചി: കേരള മീഡിയ അക്കാദമിയുടെ മികച്ച മുഖപ്രസംഗത്തിനുള്ള വി.കരുണാകരൻ നമ്പ്യാർ പുരസ്കാരം മാധ്യമം മീഡിയ വൺ ഗ്രൂപ്പ് എഡിറ്റർ ഒ. അബ്​ദുൽ റഹ്​മാന്​ സമ്മാനിച്ചു. മീഡിയ അക്കാദമി കൊച്ചിയിൽ സംഘടിപ്പിച്ച ആഗോള മാധ്യമോത്സവം 'കട്ടിങ്​ സൗത്ത് 2023​' ന്‍റെ വേദിയിൽ വച്ചാണ് പുരസ്കാരം നൽകിയത്.

മുതിർന്ന മാധ്യമ പ്രവർത്തകരായ കെ .മോഹനൻ, തോമസ് ജേക്കബ് തുടങ്ങിയവരെ മീഡിയ അക്കാദമി ആദരിച്ചു. അക്കാദമി ചെയർമാൻ ആർ.എസ്.ബാബു അധ്യക്ഷത വഹിച്ച ചടങ്ങിൽ ഡോ.സെബാസ്റ്റ്യൻ പോൾ , എൻ.പി.ചന്ദ്രശേഖർ തുടങ്ങിയവർ പങ്കെടുത്തു.