സർവേ നടത്തുന്നത് സ്ഥലം ഏറ്റെടുക്കാൻ; സർക്കാർ ജനങ്ങളെ കബളിപ്പിക്കുകയാണെന്ന് വി.ഡി സതീശൻ

സിൽവർ ലൈനിൻ സർവേ നടത്തുന്നത് സ്ഥലം ഏറ്റെടുക്കാനാണെന്നും സർക്കാർ ജനങ്ങളെ കബളിപ്പിക്കുകയാണെന്നും പ്രതിപക്ഷനേതാവ് വി.ഡി സതീശൻ. സാമൂഹിക ആഘാത പഠനം പ്രഹസനമാണ്. പഠനഫലം എന്തായാലും പദ്ധതി നടപ്പാക്കാനാണ് സർക്കാർ ശ്രമിക്കുന്നത്. സിൽവർ ലൈനിൽ മുഴുവൻ കൃത്രിമമാണെന്നും അദ്ദേഹം പറഞ്ഞു.

കേരളത്തെ ശ്രിലങ്ക ആക്കാനാണ് സർക്കാർ ശ്രമിക്കുന്നത്. കേരളം മുഴുവൻ പദ്ധതിയുടെ ഇരകളാണ്. പദ്ധതിക്കായി വീട് കയറി പ്രചാരണം നടത്തുന്ന ഡിവൈഎഫ്‌ഐ കൊട്ടാരം വിദൂഷകൻമാരുടെ റോളിലാണെന്നും സതീശൻ പരിഹസിച്ചു.