മഴ കനക്കുന്നു; വടക്കന് കേരളത്തില് അതിതീവ്ര മഴ മുന്നറിയിപ്പ്
|കേരളതീരത്ത് മത്സ്യബന്ധനത്തിന് 21 വരെ വിലക്കേര്പ്പെടുത്തി
തിരുവനന്തപുരം: സംസ്ഥാനത്ത് മഴ കനക്കുന്നു. വടക്കന് കേരളത്തില് അതിതീവ്ര മഴ മുന്നറിയിപ്പ്. നാളെ കാസര്കോഡ് ജില്ലയിലെ വിദ്യാഭ്യാസ സ്ഥാപനങ്ങള്ക്ക് അവധി. കാസര്കോഡ്,കണ്ണൂര്, കോഴിക്കോട്, വയനാട് തുടങ്ങിയ നാല് ജില്ലകളില് റെഡ് അലര്ട്ട് പ്രഖ്യാപിച്ചു.
മലപ്പുറം,പാലക്കാട്,തൃശൂര് എന്നീ മൂന്ന് ജില്ലകളില് ഓറഞ്ച് അലര്ട്ട്. എറണാകുളം,ഇടുക്കി,ആലപ്പുഴ,കോട്ടയം ,പത്തനംതിട്ട ജില്ലകളില് യെല്ലോ അലേര്ട്ട്. ഞായറാഴ്ച വരെ വടക്കന് കേരളത്തില് അതിതീവ്ര മഴയുണ്ടാകുമെന്നും കാലാവസ്ഥാ വകുപ്പിന്റെ മുന്നറിയിപ്പ്.
അപകടകരമായ സാഹചര്യം നിലനില്ക്കുന്ന സാഹചര്യത്തില് യാതൊരു കാരണവശാലും നദികളില് ഇറങ്ങാനോ നദി മുറിച്ചു കടക്കാനോ പാടില്ലെന്നും തീരത്തോട് ചേര്ന്ന് താമസിക്കുന്നവര് ജാഗ്രത പാലിക്കേണ്ടതാണെന്നും നിര്ദേശം നല്കിയിട്ടുണ്ട്. കേരളതീരത്ത് മത്സ്യബന്ധനത്തിന് 21 വരെ വിലക്കേര്പ്പെടുത്തി.