വിതുരയിൽ യുവാവിനെ വീട്ടിൽ കയറി വെട്ടി; ബന്ധുവിനായി തെരച്ചിൽ

വിതുര; വിതുരയിൽ യുവാവിനെ വീട്ടിൽ കയറി വെട്ടി. പുളിച്ചാമല സ്വദേശി അർച്ചന ഭവനിൽ മഹേഷിനാണ് വെട്ടേറ്റത്. സംഭവത്തിൽ മഹേഷിന്റെ ബന്ധു വിതുര ശാസ്താംകാവ് സ്വദേശി രാഹുലിനായി പൊലീസ് അന്വേഷണം ആരംഭിച്ചു.

ഇന്ന് രാത്രി 7 മണിയോടെയാണ് മഹേഷിനെ രാഹുൽ വെട്ടിയത്. വെട്ടുകത്തി കൊണ്ട് തലയ്ക്ക് വെട്ടുകയായിരുന്നു. തന്റെ ഭാര്യയുമായി മഹേഷിന് അവിഹിതമുണ്ടെന്ന സംശയമാണ് വൈരാഗ്യത്തിന് കാരണമെന്ന് പൊലീസ് പറയുന്നു.

ആക്രമണത്തെ തുടർന്ന് വിതുര താലൂക്കാശുപത്രിയിലെത്തിച്ച മഹേഷിനെ തിരുവനന്തപുരം മെഡിക്കൽ കോളേജിലേക്ക് കൊണ്ടുപോയി. പരിക്ക് ഗുരുതരമല്ലെന്നാണ് വിവരം.