പീരുമേട്ടിൽ വിദ്യാർഥികൾക്ക് നേരെ പാഞ്ഞടുത്ത് കാട്ടാന; ബസ് കാത്തുനിന്ന കുട്ടികൾ രക്ഷപ്പെട്ടത് തലനാരിഴക്ക്

ഇടുക്കി: പീരുമേട്ടില്‍ സ്കൂൾ വിദ്യാർഥികൾക്ക് നേരെ പാഞ്ഞടുത്ത് കാട്ടാന. ബസ് കാത്തുനിന്ന മരിയഗിരി സ്കൂളിലെ വിദ്യാർഥികൾക്ക് നേരെയാണ് ആന, പാഞ്ഞടുത്തത്.

വിദ്യാർഥികൾ ഓടി രക്ഷപ്പെട്ടു. നാട്ടുകാർ ബഹളം വെച്ചതോടെ ആന സമീപത്തെ യൂക്കാലി തോട്ടത്തിലേക്ക് കയറി. ഇന്നലെ വൈകിട്ടായിരുന്നു സംഭവം.

കൊട്ടാരക്കര-ദിണ്ടിഗൽ ദേശീയപാത മുറിച്ചുകടക്കുകയായിരുന്നു കാട്ടാന. ആന റോഡിലേക്ക് ഇറങ്ങിയപ്പോൾ നിരവധി വിദ്യാർഥികൾ റോഡിൽ ഉണ്ടായിരുന്നു. വാഹനങ്ങളും കടന്നുപോയിരുന്നു. ആന റോഡിലേക്ക് വരുന്നത് കണ്ട വിദ്യാർഥികൾ സ്കൂൾ ഗേറ്റിനുള്ളിലേക്ക് ഓടി.

ദിവസങ്ങൾക്ക് മുമ്പും കാട്ടാന ഇതിലെ ദേശീയപാത മുറിച്ചുകടന്നുപോയിരുന്നു.

Watch Video Report