തിരുവനന്തപുരത്ത് യുവതി ശുചിമുറിയിൽ മരിച്ച നിലയില്‍; ഭർത്താവ് കസ്റ്റഡിയിൽ

തിരുവനന്തപുരം: കുണ്ടമൺകടവിൽ വീട്ടിലെ ശുചിമുറിയിൽ യുവതിയെ മരിച്ച നിലയില്‍ കണ്ടെത്തി. കുണ്ടമൺകടവ് സ്വദേശി വിദ്യയാണ് മരിച്ചത്. ഇന്നലെ വൈകീട്ട് സ്‌കൂൾ വിട്ടുവന്ന മകനാണ് വീടിന് സമീപത്തെ ശുചിമുറിയിൽ വിദ്യയെ അബോധാവസ്ഥയിൽ കണ്ടത്.

ഇതിനു പിന്നാലെ വിദ്യയെ ആശുപത്രിയിലെത്തിച്ചെങ്കിലും രാത്രിയോടെ മരിക്കുകയായിരുന്നു. ഇക്കാര്യം വിദ്യയുടെ അച്ഛനാണ് പൊലീസിനെ അറിയിക്കുന്നത്. മൂന്ന് മാസം മുമ്പായിരുന്നു ഇവിടെ പ്രശാന്തും വിദ്യയും രണ്ടും മക്കളും വാടകയ്ക്ക് താമസമാരംഭിച്ചത്.

സംഭവത്തിൽ വിദ്യയുടെ ഭർത്താവിനെ പൊലീസ് കസ്റ്റഡിയിലെടുത്തു. ഇയാളെ ചോ​ദ്യം ചെ​യ്തുവരികയാണ്. വിദ്യയുടെ മരണത്തിൽ ബ​ന്ധു​ക്ക​ൾ സം​ശ​യ​മു​ന്ന​യി​ച്ച​തി​നെ​തു​ട​ർ​ന്നാണ് പ്രശാന്തിനെ പൊലീസ് പിടികൂടിയത്.

പ്രശാന്തും വിദ്യയും തമ്മിൽ ചില പ്രശ്‌നങ്ങൾ നിലനിന്നിരുന്നതായും വിവരമുണ്ട്. ഇക്കാര്യവും പൊലീസ് വിശദമായി അന്വേഷിച്ചുവരികയാണ്. പ​ത്ത് വ​ർ​ഷം മു​മ്പാ​ണ് വി​ദ്യ​യും പ്ര​ശാ​ന്തും പ്രണയിച്ചു വി​വാ​ഹി​ത​രാ​യ​ത്.