അമ്മ മണം

ഏറ്റവും ഒടുവിലത്തെ

വേകുന്നേര പിറ്റേന്ന്

വിളിച്ചു പറഞ്ഞ നീല

പൂക്കളെ മാത്രം

നിനക്ക് വേണ്ടിയിറുക്കന്‍

എനിക്ക് സാധിച്ചില്ല

പരിഭവമില്ലാത്ത

പുഞ്ചിരിയോടെ

നീ മരിച്ചു കിടക്കുമ്പോള്‍

പോലും ഒരു നീല ശംഖ് പുഷ്പം

എന്റെ കൈക്കുള്ളില്‍ ഞെരിഞ്ഞു

നീ വാട്ടിയ ഇലയില്‍

വിളമ്പി വെച്ച നേര്‍ച്ഛയുരുളകളില്‍

എള്ളു വിതറി ഞാനിന്ന്

കാക്കക്ക് കൊടുത്തു..

സാരല്ല വനെ ന്ന് മേലേതിലെ

ജാനുവമ്മ മാത്രം പറഞ്ഞു.

അപ്പൊ മാത്രം എനിക്ക്

അമ്മയുണ്ടായിരുന്നെങ്കിലെന്ന് തോന്നി.

നിന്റെ മുലഞെട്ടുകള്‍

എനിക്കോര്‍മ്മ വന്നു.

പെറ്റു പോന്നപ്പോള്‍ ചത്തു

പോയ നമ്മുടെ കുഞ്ഞിന്റെ

വറ്റാത്ത പാല്‍ കുടിച്ചു

ഞാനുറങ്ങിയതോര്‍മ വന്നു.

രുചിമുകുളങ്ങളില്‍ അമ്മപ്പാല്‍

വീണു ഉദ്ധരിച്ച നിമിഷമോര്‍മ വന്നു.

ആശ്വാസ വാക്കുകളില്‍

നീയൊലിച്ചു പോകാതിരിക്കാന്‍

ഞാന്‍ കാതു പൊത്തി.

എന്റെ കയ്യിലപ്പോള്‍

അമ്മിഞ്ഞക്കറ മണത്തു

നിന്നെ മണത്തു..