യു.പിയിൽ കെട്ടിടം തകർന്ന്​ വീണ് രണ്ട്​ മരണം; ആറ്​ പേർക്ക്​ പരിക്ക്​

ഉത്തർപ്രദേശിലെ വാരണാസിയിൽ കെട്ടിടം തകർന്ന് വീണ്​ രണ്ട്​ പേർ മരിച്ചു. ഇന്ന് രാവിലെയാണ്​ കെട്ടിടം തകർന്നുവീണത്​. ആറോളം പേർക്ക്​ പരിക്കേറ്റു. രക്ഷാപ്രവർത്തനം പുരോഗമിക്കുകയാണെന്ന് അധികൃതർ അറിയിച്ചു.

കാശിവിശ്വനാഥ ധാം പദ്ധതിയുടെ ഭാഗമായി നിർമാണത്തിലിരുന്ന കെട്ടിടമാണ്​ തകർന്ന്​ വീണത്​. പശ്​ചിമബംഗാളിൽ നിന്നുള്ള തൊഴിലാളികളാണ്​ കെട്ടിട നിർമാണത്തിൽ ഏർപ്പെട്ടിരുന്നത്​.