തീപിടിത്തത്തില്‍ ഒരു കുടുംബത്തിലെ എട്ടു പേര്‍ മരിച്ചു

ഇവരില്‍ കൈക്കുഞ്ഞടക്കം 5 കുട്ടികളുമുണ്ട്. പൊള്ളലേറ്റ ഒരാളുടെ നിലഗുരുതരമാണ്

മുംബൈ അന്ധേരി വെസ്റ്റിലെ കെട്ടിടത്തിലുണ്ടായ തീപിടിത്തത്തില്‍ ഒരു കുടുംബത്തിലെ എട്ടു പേര്‍ മരിച്ചു. ഇവരില്‍ കൈക്കുഞ്ഞടക്കം 5 കുട്ടികളുമുണ്ട്. പൊള്ളലേറ്റ ഒരാളുടെ നിലഗുരുതരമാണ്. പുലര്‍ച്ചെ 5.15 ഓടെ അന്ധേരി വെസ്റ്റിലെ വയര്‍ലെസ് റോഡിലായിരുന്നു തീപിടിത്തമുണ്ടായത്.മരുന്നുവില്‍പന ശാലയിലുണ്ടായ തീ കുടുംബം താമസിച്ച ഒന്നാം നിലയിലേക്ക് പടരുകയായിരുന്നു. ഷോര്‍ട്ട് സര്‍ക്യൂട്ടാണ് അപകട കാരണമെന്ന് പൊലീസ് സംശയം പ്രകടിപ്പിച്ചു.