അംബേദ്കര് സിനിമ പ്രദര്ശിപ്പിക്കണം: നിയമനടപടിക്കൊരുങ്ങി ദലിത് പാന്തേഴ്സ്അംബേദ്കര് സിനിമ പ്രദര്ശിപ്പിക്കണം: നിയമനടപടിക്കൊരുങ്ങി ദലിത് പാന്തേഴ്സ്
|കേന്ദ്ര സര്ക്കാര് 9 കോടി മുതല് മുടക്കി ചിത്രീകരിച്ച അംബേദ്കര് സിനിമ പ്രദര്ശിപ്പിക്കണമെന്ന ആവശ്യം ശക്തമാകുന്നു
കേന്ദ്ര സര്ക്കാര് 9 കോടി മുതല് മുടക്കി ചിത്രീകരിച്ച അംബേദ്കര് സിനിമ പ്രദര്ശിപ്പിക്കണമെന്ന ആവശ്യം ശക്തമാകുന്നു. മനുഷ്യാവകാശ പ്രവർത്തകരും ഗവേഷകരുമടക്കം നാളുകളായി സിനിമക്ക് വേണ്ടി കാത്തിരിക്കുകയാണ്. ഈ സാഹചര്യത്തിൽ കോടതി ഇടപെട്ട് സിനിമ പ്രദർശിപ്പിക്കാനുള്ള നടപടി സ്വീകരിക്കണമെന്നാവശ്യപ്പെട്ട് ഹൈക്കോടതിയെ സമീപിച്ചിരിക്കുകയാണ് കേരള ദളിത് പാന്തേഴ്സ് എന്ന സംഘടന.
1999ൽ ദേശീയ ചലചിത്ര വികസന കോർപറേഷന് ചിത്രീകരിച്ച സിനിമ മലയാളത്തിലേക്ക്മൊഴിമാറ്റി പ്രദർശിപ്പിക്കണമെന്നാണാവശ്യമാണ് ശക്തമാകുന്നത്. ജബ്ബാർ പട്ടേൽ സംവിധാനം ചെയ്ത 'അംബേദ്കർ' സിനിമയില് മമ്മൂട്ടിയാണ് അഭിനിയിച്ചത്. ചിത്രീകരണം പൂർത്തിയായെങ്കിലും ഒരിക്കൽ പോലും ഏതെങ്കിലും ദേശീയ ടി.വി നെറ്റ്വർക്ക് മുഖേന ചിത്രം പ്രദർശിപ്പിച്ചിട്ടില്ല. ഈ സാഹചര്യത്തിൽ ചിത്രം കേരളത്തിൽ പ്രദർശിപ്പിക്കാൻ നടപടി സ്വീകരിക്കണമെന്നാവശ്യപ്പെട്ട് നിരവധി നിവേദനം നൽകിയെങ്കിലും നടപടിയുണ്ടായില്ല.
അംബേദ്കറുടെ 120ാം ജൻമദിനത്തോടനുബന്ധിച്ച് പ്രദർശനത്തിന് അവസരമുണ്ടാക്കണമെന്നാവശ്യപ്പെട്ടാണ്കഴിഞ്ഞ വർഷം നിവേദനം നൽകിയിരുന്നു. കേരള ദലിത്പാന്തേഴ്സിെൻറ 30ാം വാർഷികാഘോഷങ്ങൾ നടക്കുന്ന പശ്ചാത്തലത്തിൽ സിനിമ പ്രദർശിപ്പിക്കണമെന്നാവശ്യപ്പെട്ട് ഇത്തവണയും സംഘടന നിവേദനം നൽകിയിട്ടുണ്ട്.