ലോക്സഭ സ്പീക്കര് ഓം ബിര്ളയ്ക്ക് കോവിഡ്
|ആരോഗ്യനില തൃപ്തികരമെന്ന് എയിംസ് ആശുപത്രി അധികൃതര്.
ലോക്സഭ സ്പീക്കര് ഓം ബിര്ള കോവിഡ് ബാധിച്ച് ചികിത്സയില്. മാർച്ച് 19 നാണ് രോഗം സ്ഥിരീകരിച്ചത്. മാര്ച്ച് 20ന് അദ്ദേഹത്തെ ഡല്ഹി എയിംസ് ആശുപത്രിയില് പ്രവേശിപ്പിച്ചു.
സ്പീക്കറുടെ ആരോഗ്യനില തൃപ്തികരമാണെന്ന് ആശുപത്രി അധികൃതര് പുറത്തുവിട്ട പത്രക്കുറിപ്പില് പറയുന്നു. ബജറ്റ് സമ്മേളനത്തിനിടയിലാണ് സ്പീക്കര് കോവിഡ് പോസിറ്റീവായത്.
Lok Sabha Speaker Om Birla tested positive for COVID19 on March 19. He was admitted to AIIMS COVID Centre for observation on March 20. He is stable: AIIMS, Delhi pic.twitter.com/nhook5tr83
— ANI (@ANI) March 21, 2021
രാജ്യത്ത് കോവിഡ് കേസുകളില് ക്രമാതീതമായ വര്ധനയാണ് കഴിഞ്ഞ ദിവസങ്ങളില് രേഖപ്പെടുത്തിയത്. അരലക്ഷത്തോളം പുതിയ കേസുകള് കഴിഞ്ഞ 24 മണിക്കൂറിനിടെ റിപ്പോർട്ട് ചെയ്തു. 197 പേരാണ് മരിച്ചത്. കോവിഡ് കേസുകൾ കൂടുന്ന സാഹചര്യത്തിൽ തമിഴ്നാട്ടിലും മഹാരാഷ്ട്രയിലും നിയന്ത്രണങ്ങൾ കർശനമാക്കുന്നുണ്ട്.
ഇന്ത്യയില് ഇതുവരെ 1,15,99,130 പേര്ക്കാണ് കോവിഡ് സ്ഥിരീകരിച്ചത്. 1,59,755 പേര് മരിച്ചു. അതേസമയം, 4,46,03,841 പേരാണ് രാജ്യത്ത് കോവിഡ് പ്രതിരോധ വാക്സിന് സ്വീകരിച്ചത്.