അലാവസിനെ വീഴ്ത്തി ബാഴസലോണ ലാലി​ഗയിൽ ഒന്നാമത്

ബാഴ്സലോണ: അലാവസിനെ വീഴ്ത്തി ബാഴ്സലോണ ലാലി​ഗയിൽ ഒന്നാം സ്ഥാനത്ത്. ബാഴ്സക്കായി ഇരട്ട ​ഗോളുകളുമായി ഡാനി ഒൽമോ തിളങ്ങി. ലമീൻ യമാലും ബാഴ്സക്കായി അലാവസിന്റെ വലകുലുക്കി. പാബ്ലോ ഇബാനെസാണ് അലാവസിനായി ​ഗോൾ നേടിയത്

മത്സരം തുടങ്ങി ഒന്നാം മിനുട്ടിൽ തന്നെ പാബ്ലോ ഇബാനെസിലൂടെ അലാവസ് ബാഴ്സയുടെ വല കുലുക്കി. എന്നാൽ ലമീൻ യമാലിലൂടെ ബാഴ്സ തിരിച്ചടിച്ചു. തുടർന്ന് ബാഴ്സലോണ ആക്രമണങ്ങൾക്ക് മൂർച്ച കൂട്ടി. ഡാനി ഒൽമോ 26-ാം മിനുട്ടിൽ ​ഗോൾ കണ്ടെത്തിയതോടെ ബാഴ്സ ലീഡെടുത്തു. 93-ാം മിനുട്ടിൽ ഡാനി ഒൽ‌മോയുടെ രണ്ടാം ​ഗോളിലൂടെ ബാഴ്സ വിജയമുറപ്പിച്ചു.

ലാലി​ഗയിൽ കളിച്ച 14 മത്സരങ്ങളിൽ നിന്ന് 34 പോയിന്റുമായി നിലവിൽ ഒന്നാം സ്ഥാനത്താണ് ബാഴ്സലോണ. തൊട്ടുപിന്നിൽ 32 പോയിന്റുമായി റയൽ മാഡ്രിഡുമുണ്ട്. ഡിസംബർ 3 ന് അത്ലറ്റികോ മാഡ്രിഡുമായാണ് ബാഴ്സയുടെ അടുത്ത മത്സരം