ഇന്റർ മിലാൻ ചാമ്പ്യൻസ് ലീഗ് ഫൈനലിൽ
|ഇരുപാദങ്ങളിലുമായി എ.സി മിലാനെ 3-0ന് തകർത്താണ് ഇന്റർ മിലാന്റെ ഫൈനൽ പ്രവേശനം.
മിലാൻ ഡർബിയിൽ ഇരുപാദങ്ങളിലുമായി എ.സി മിലാനെ 3-0ന് തകർത്ത് ഇന്റർ മിലാൻ ചാമ്പ്യൻസ് ലീഗ് ഫൈനലിൽ പ്രവേശിച്ചു. ആദ്യപാദത്തിൽ ഇന്റർ മിലാൻ എതിരില്ലാത്ത രണ്ട് ഗോളുകൾക്ക് വിജയിച്ചിരുന്നു. രണ്ടാംപാദത്തിൽ ഒരു ഗോളിനാണ് ഇന്ററിന്റെ ജയം.
MVP ⚫🔵#ForzaInter #InterMilan #UCL pic.twitter.com/5IU04670X9
— Inter (@Inter) May 16, 2023
ആദ്യ പകുതിയിൽ ഇന്റർ മിലാൻ നല്ല അവസരങ്ങൾ സൃഷ്ടിച്ചെങ്കിലും ഒനാന വൻമതിലായി മുന്നിൽനിന്നു. രണ്ടാം പകുതിയിലാണ് ഇന്ററിനെ ഫൈനലിലെത്തിച്ച ഗോൾ പിറന്നത്. 74-ാം മിനിറ്റിൽ ലൗട്ടാരോ മാർട്ടിനസ് ആണ് ഗോൾ നേടിയത്.
2010-ലാണ് ഇന്റർ മിലാൻ അവസാനമായി ചാമ്പ്യൻസ് ലീഗ് ഫൈനലിൽ പ്രവേശിച്ചത്. ഇന്ന് കിരീടവും അവർക്കായിരുന്നു. നാളെ പുലർച്ചെ നടക്കുന്ന റയൽ മാഡ്രിഡ്-മാഞ്ചസ്റ്റർ സിറ്റി മത്സരത്തിലെ വിജയികളെയാണ് ഇന്റർ മിലാൻ ഫൈനലിൽ നേരിടുക. ആദ്യ പാദ മത്സരത്തിൽ ഇരു ടീമുകളും 1-1ന് സമനിലയിൽ പിരിയുകയായിരുന്നു.