സ്മാർട്ട് മീറ്റർ ടെൻഡർ നടപടി; സർക്കാർ കെ.എസ്.ഇ.ബിക്കയച്ച കത്ത് പുറത്ത്

തിരുവനന്തപുരം; സ്മാർട്ട് മീറ്റർ ടെണ്ടർ നടപടികൾ നിർത്തിവക്കാൻ സർക്കാർ കെ.എസ്.ഇ.ബിക്ക് അയച്ച കത്ത് പുറത്ത്. ഏപ്രിൽ 24 നാണ് കത്തയച്ചത്. ഈ കത്ത് മറികടന്നുകൊണ്ടാണ് കെ.എസ്.ഇ.ബി ടെണ്ടർ നടപടികളുമായി മുന്നോട്ട് പോയത്.

ഇന്ന് സ്മാർട്ട് മീറ്റർ പദ്ധതികളുമായി ബന്ധപ്പെട്ട് വൈദ്യുതിമന്ത്രി കെ.കൃഷ്ണൻകുട്ടിയുമായി ട്രേഡ് യൂണിയനുകൾ ചർച്ച നടത്തിയിരുന്നു. ഈ ചർച്ചയിലാണ് ടെൻഡർ നടപടികൾ നിർത്തി വയ്ക്കാൻ കെ.എസ്.ഇ.ബിക്ക് നിർദേശം നൽകിയിരുന്നുവെന്ന് കാട്ടുന്ന കത്ത് മന്ത്രി യൂണിയനുകളെ കാണിച്ചത്. കെ.എസ്.ഇ.ബി ഇതിന് ശേഷവും ടെൻഡർ നടപടികളുമായി മുന്നോട്ട് പോയി എന്നാണ് കത്തിൽ നിന്ന് വ്യക്തമാകുന്ന വിവരം.